Mundarija kirish bob. Emotsiya haqida umumiy tushuncha

MUNDARIJA

Kirish
1.BOB.Emotsiya haqida umumiy tushuncha
1.1.Emotsiya va hissiyot o’rtasidagi tafovutlar
1.2.Hissiyotning o’ziga xos shakli
2.BOB.Hissiyot va emotsional holatlarning fiziologik asoslari
2.1.Hissiyotning nerv-fiziologik asosi
2.2.Emotsiyaning nerv-fiziologik asosi
3.BOB. Hissiy kechinmalarning shakllari
3.1.Yuksak hislar
3.2 Odam va hayvon emotsiyalari
UMUMIY XULOSA
FOYDALANILGAN ADABIYOTLAR
KIRISH
Mavzuning dolzarbligi. So’nggi yillarda psixologiya fani doirasida olib borilayotgan izсhil tadqiqotlar natijasida psixologik bilimlar yanada taraqqiy etmoqda. Zamonaviy ilm-fanga psixologiyaning barqaror kirib kelishining muhim jihatlaridan biri bu inson shaxsini o’rganishdir.
Insonning kognitiv sohasi psixologiya doirasida mukammal o’rganilganligi haqiqat. Ammo inson shaxsining hissiy-emotsional sohasi boshqa sohalarga nisbatan kam o’rganilgan sohasidir. Shuning uchun ham so’nggi vaqtlarda hissiyot va emotsiya jarayonlari o’rtasida bir muncha tafovutlar ko’zga tashlanmoqda. Ajablanarli holat shundaki, jahon psixologiya fanida hissiyot va emotsiyaga bir narsa deb qaralib kelinmoqda. Aslini olganda ikkala jarayon o’rtasida unchalik farqlar katta emas. Bu degani farqlar umuman mavjud degani emas. Farqlar mavjud juda oz darajada. Hozirgi paytda emotsiyaning shaxs xulq-atvorida tutgan o’rni, mavqeyini o’rganish muhim ahamiyat kasb etmoqda. Odamlar nafaqat tashqi ko’rinishi balki, xatti-harakati, emotsiyasi bilan ham farqlanadi, ular ko’pincha o’ta murakkab va oldindan aytib bo’lmaydigan holatdir. Sayyoramizdagi yetti yarim milliarddan ortiq odamlar orasida siz bir-biriga o’xshash ikkita odamni topolmaysiz. Emotsiya nazariyalarining asosiy tuzilishi inson emotsiyalari tabiatini yoritib beradi va insonning hissiy-emotsional sohasini o’rganishdagi yangi yondashuvlar, turli xil nazariy va amaliy qarashlarni taqqoslash va qarama-qarshi tizimini yaratishga imkon beradi.