Mundarija Kirish 3 i-bob. Fizikadan om qonuni mavzusi bo’yicha masalalar yechishda ijodiy qobilyatlarni rivojlantirishning ba’zi muammolari va uni hal qilish yo’llari

Tadqiqotning ilmiy yangiligi. Tadqiqot ishida AL va KHTda fizika ta`limi uchun ijodiy muxitni yaratish pedagogika va uslubiyotda ilk bor alohida tadqiqot predmeti sifatida ajratildi, o`qitish materiallarida fizika ta`limining ijodiy xarakteri muhim qonuniyatlardan biri sifatida asoslandi, ta`limni ijodiy tashkil etish, boshqarish, nazorat qilish nazariy va amaliy jihatdan bayon qilindi. SHu bilan birga, fizika ta`limi bosqichlarini ajratish mezonlari keng tahlil qilinib, fizika ta`limi bosqichlariga tavsif berildi. Bular yana bir yangilikka – fizika ta`limini ijodiy tashkil etish amaliyotiga zamin yaratdi. AL va KHK ta`limida fizikadan o`quv materialini to`liq ijodiy o`zlashtirish texnologiyasi va ilmiy xarakterda tashkil qilishga ilk bor harakat qilindi.
Tadqiqotning amaliy ahamiyati. Tadqiqot natijasida ishlab chiqilgan fizika ta`limini boshqarish yo`llari – ijodiylik texnologiyasidan o`rta maktab va AL va KHT ta`limi bosqichida fizika ta`limida foydalaniladi.
Taklif etilayotgan fizikani o`rganishga ijodiy yondoshish texnologiyasidan didaktik adabiyotlar, darslik va o`quv adabiyotlarining yangi avlodini yaratishda foydalanish mumkin.
Fizika ta`limida ijodiylik texnologiyasi g’oyalarini KHT bo`g’inida boshqa o`quv predmetlarini o`qitishda va ta`limning boshqa bosqichlarida ham qo`llash mumkin.
Tadqiqotda ilgari surilayotgan g’oyalardan mustaqil va masofaviy ta`limning yangi shakllarini yaratishda foydalaniladi.
Tadqiqot kontseptsiyasi. An`anaviy ta`limda o`quvchilar faoliyatiga ta`limning predmeti sifatida qaraladi va unda ta`lim asosan o`quvchilar xotirasiga mo`ljallab o`tkaziladi. Biz o`quvchi va uning faoliyati – o`qish, o`rganishga ta`limning sub`ekti deb qaraymiz. Bunday qarashda o`qitish va o`qish faoliyatlarining o`zaro muvofiqlashuvi, hamohangligi ta`limni tashkil etish, boshqarish, nazorat qilishning etakchi printsipiga aylanadi. Ta`limni bunday tashkil etish ham o`quvchilarning xotirasi, ham tafakkuriga mo`ljallab o`tkaziladi. SHunday yo`l bilan mustaqil fikrlay oladigan, o`quv predmetini o`rganishga astoydil intiladigan, o`z bilimi, malakasi, ijodiy faoliyatini uzluksiz rivojlantiradigan yoshlarni, komil insonlarni tayyorlash mumkin.