Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Асосий фаолияти. 2005 йилда 40 га ерга пахта, 100 га ерга кузги буғдой, 140 га ерга шоли, 5 га ерга сабзавот, 8 га ерга беда эккан, 17 га ерда боғ, 2 га ерда узумзор яратган. 200 бош қўй-эчкиси мавжуд ҳамда 165 га кўлда балиқ боқиш билан шуғулланади.
Эришган ютуқлари. 2005 ҳар бир гектар пахта майдонидан 45 центнердан ҳосил олиб, 180 тонна пахта, 300 тонна буғдой, 717 тонна шоли маҳсулотларини давлатга топширган. Дастлаб 6 турдаги маҳсулот ишлаб чиқарган бўлса, бугунги кунга келиб маҳсулот турлари сони 11 тага етган. Ўз фаолиятини 16 ишчи билан бошлаб, бугунги кунда 76 кишини иш билан таъминлаган.
Ўзбекистон Республикаси Президенти соврини учун “Ташаббус-2006” танловининг Қорақалпоғистон Республикаси босқичида иштирок этиб, ғолибликни қўлга киритган.
Истиқбол режалари. Иш ҳажмини кенгайтириш, ишчилар сонини кўпайтириш, олган даромадлари ҳисобидан балиқ консерва, колбаса цехи, дудланган балиқ ишлаб чиқариш технологияларини келтириб, ишлаб чиқаришни йўлга қўйиш, ўз қишлоғидаги ўрта мактабни таъмирлаш, ўқувчиларни ўқув қуроллари билан таъминлаш.
Шундай фермер хўжаликларидан яна бири «Ташаббус-2006» кўрик танлови Андижон вилоят босқичи «Энг яхши фермер» йўналиши ғолиби Марҳамат туманидаги «Шухрат» фермер хўжалиги ҳисобланади. Фермер хўжалиги бошлиғи Тожимирза Нуриев.
Асосий фаолияти. Деҳқончилик ва чорвачилик маҳсулотларини етиштириш ушбу фермер хўжалигининг асосий фаолияти ҳисобланса, фермер хўжаликлари ва бошқа қишлоқ хўжалиги корхоналарига транспорт хизмати кўрсатиш, қишлоқ хўжалиги маҳсулотларини қайта ишлаш, ғишт ва оҳак ишлаб чиқариш, тухум етиштириш, аҳолига тегирмон, обжувоз ва бошқа турдаги хизматларни кўрсатиш, газ, сув ва йўл қурилиши хизматларини кўрсатиш каби қўшимча фаолият билан ҳам шуғулланади.
Эришган ютуқлари. Ер майдони 332,5гани ташкил этади.Ўз имкониятларидан келиб чиққан ҳолда 2005 йилда хўл меваларни қайта ишлаш заводи, ғишт ва оҳак заводи, корхона ва ташкилотларга транспорт хизмати ва савдони ривожлантириш бўйича корхоналар ташкил этган. Қишлоқ хўжалик тармоқларидан ташқари хўжалик 450 нафар ишчини иш билан таъминлашга эришган. 2005 йил Жаҳон тараққиёти банки томонидан 367 минг АҚШ доллари миқдорида инвестиция киритган. Ҳозирда хўжаликда мавжуц техникалар сони 37 тани ташкил этади. 2005 йил давомида 45 минг хўжаликни хомийлик асосида газ билан таъминлашга эришган.