Mundarija betlar

Kurs ishi predmeti. Kurs ishimiz predmetini aholini ijtimoiy muhofaza qilish bilan bog‘liq bo‘lgan davlat byudjeti xarajatlari ijrosi hamda aholi ijtimoiy muhofazasida pensiya tav’minoti mexanizmlaridan foydalanish bilan bog‘liq bo‘lgan moliyaviy-iqtisodiy munosabatlar tashkil qiladi.
Kurs ishi obyekti. Kurs ishining izlanish obyekti sifatida davlat byudjetidan aholini ijtimoiy muhofaza qilish xarajatlarini moliyalashtirish amaliyoti, shuningdek O‘zbekiston Respublikasi byudjetdan tashqari Pensiya jamg‘armasining Toshkent viloyat Qibray tuman bo‘limi tomonidan pensiyalar va ijtimoiy nafaqalar tayinlash va to‘lash bilan bog‘liq bo‘lgan faoliyati tanlab olingan.
Kurs ishining maqsadi va vazifalari. Aholini ijtimoiy muhofaza qilishni moliyaviy ta’minlashda davlat byudjeti hamda davlatning boshqa maqsadli jamg‘armalari mablag‘larining o‘rni va ahamiyatini o‘rganish va davlat resurslarining cheklanganligi sharoitida aholini ijtimoiy qo‘llab-quvvatlash tadbirlarini moliyalash manbalarini kengaytirish va mustahkamlash masalalarini o‘rganish kurs ishining maqsadini tashkil qiladi. Ushbu maqsadlarni amalga oshirish uchun quyidagi vazifalar belgilab olindi:
 aholini ijtimoiy muhofaza qilishning byudjet mexanizmini o‘rganish va davlat byudjetining o‘rni va ahamiyatini tahlil qilish;
 hududlarda aholini ijtimoiy muhofaza qilishning manzilliligini ta’minlash mexanizmlarining amal qilish xususiyatlarini tahlil qilish;
 aholini ijtimoiy muhofaza qilishda pensiya ta’minotining o‘rni va ahamiyatini ochib berish;
 aholini ijtimoiy muhofaza qilishda byudjetdan tashqari Pensiya jamg‘armasi mablag‘laridan foydalanish amaliyotini o‘rganish;
 aholini ijtimoiy muhofaza qilishning moliyaviy manbalarini, tashkiliy-huquqiy va moliyaviy asoslarini mustahkamlashga va takomillashtirishga qaratilgan xulosalar va aniq takliflar tizimini ishlab chiqish, ularni nazariy jihatdan asoslab berish.


Mavzuning nazariy-amaliy ahamiyati. Ushbu mavzu iqtisodiy adabiyotlarda yetarlicha yoritilgan, lekin mazkur kurs ishida mavzuning kompleks o‘rganilganligi hamda bir butun nazariy ishlanma yaratishga urinish bo‘lganligi uning nazariy ahamiyatini belgilab beradi. Ishimizning amaliy ahamiyatini izlanishlarimiz asosida aholi ijtimoiy muhofazasini moliyaviy qo‘llab-quvvatlashning byudjet mexanizmlarini yaxshilashga va pensiya ta’minoti dastaklarini takomillashtirishga qaratilgan amaliy tavsiyalar ishlab chiqarilganligi bilan izohlash mumkin.
Kurs ishi tarkibining qisqacha tavsifi. Kurs ish kirish qismi, 3 ta paragrafni qamrab olgan, xulosa hamda foydalanilgan adabiyotlar ro‘yxatidan iborat bo‘lib, ishning hajmi 36 betni tashkil qiladi, ishda tahliliy materiallar, chizma shaklidagi 5 ta rasmda aks ettirilgan.