Мундарижа банк иши

 
3. Тадқиқот методологияси. 
Тадқиқотни амалга оширишда индукция, дедукция, статистик кузатиш, статистик 
жадвал ва графиклардан, шунингдек статистик ва солиштирма таҳлил усулларидан 
фойдаланилган. Статистик таҳлил учун Ўзбекистон Республикаси статистика қўмитаси 
статистик маълумотлари олинган. 
 
4. Таҳлил ва натижалар муҳокамаси. 
Амалга оширилган чора-тадбирлар натижасида кичик бизнес субъектларининг 
ялпи ички маҳсулотдаги улуши 2018 йилда 59,4 фоиздан ошди. Ҳолбуки, 2010 йилда бу 
кўрсаткич 52,5 фоизни ташкил етган эди. Бундай натижа биринчи навбатда кичик 
бизнес ва хусусий тадбиркорлик давлат томонидан доимий қўллаб-қувватланаётгани 
самарасидир (1-расм). 

---

103 www.journal.bfa.uz 
 
 
1-расм. Кичик бизнес ва хусусий тадбиркорлик фаолиятининг ЯИМ даги 
улуши (%)
1
. 
 
Кичик бизнес ва тадбиркорлик фаолиятининг янада ривожланиши иқтисодиётнинг 
барча соҳаларида ва ишлаб чиқариш тармоқларида сезиларли салмоғи билан ажралиб 
туради. Кичик бизнес ва хусусий тадбиркорлик субъектларининг республикамизда янги 
иш ўринларини ташкил қилиш, аҳолининг даромадлари ва жамият фаровонлигини 
оширишнинг муҳим омили сифатидаги натижалари ошиб бормоқда. Жумладан, 2018
йилда 48,9 мингтадан ортиқ кичик корхона ва микрофирмалар (фермер ва деҳқон
хўжаликларисиз) ташкил қилинди, бу ўтган йилнинг шу даврига нисбатан 28,2 % кўп 
демакдир.
2
Жумладан, кичик бизнес ва тадбиркорликнинг қишлоқ, ўрмон ва балиқчилик 
хўжалигидаги улуши 2017 йилдаги 98,1 фоиз кўрсаткичи 2018 йилда ҳам бу кўрсаткич 
98,1 фоизга сақланиб қолди, асосий капиталга инвестициялар ҳажмида – 34,8 фоиздан 
34,9 фоизга, хизматлар кўрсатиш ҳажмида – 58,4 фоиздан 55,2 фоизга пасайганини 
кўришимиз мумкин, экспорт ҳажмида – 22,0 фоиздан 26,5 фоизга қадар ошди (1-
жадвал).