Мундарижа банк иши

12-расм. 2018 йил январь-декабрь ойлари давомида тўлов терминаллари 
орқали миллий валютадаги йирик транзакцияларни амалга оширган 10 та 
банклар рўйхати. 
Маълумотлардан шуни кўришимиз мумкинки, 2018 йил январь-декабрь ойлари 
давомида тўлов терминаллари орқали миллий валютадаги транзакцияларни амалга 
ошириш бўйича Ипотека банк 6 847 млрд.сўм билан 1 ўринни эгаллаган (жами 
транзакцияларнинг 
10,7 
фоизи), 
Миллий 
банк 
5 232 
млрд.сўм 
(жами 
транзакцияларнинг 8,2 фоизи), Ҳамкорбанк 5 189 млрд.сўм (жами транзакцияларнинг 
8,1 фоизи), Халқ банки 5 171 млрд.сўм (жами транзакцияларнинг 8,1 фоизи) ва 
Ўзсаноатқурилишбанки 4 150 млрд.сўм (жами транзакцияларнинг 6,5 фоизи) 
транзакцияларни амалга оширган.
Пластик карталардан фойдаланиш даражасини оширувчи муҳим омиллардан бири, 
тижорат банклари томонидан савдо ва маиший хизмат кўрсатувчи ташкилотларга 
ўрнатилган терминалларни узлуксиз ишлашини таъминлаш, шунингдек тегишли 
органлар томонидан терминалдан фойдаланиш қоидаларини бузилмасилигини қаттиқ 
назорат қилиниши ҳисобланади. Тўлов терминалларини кўпайтириш орқали барча 
турдаги халқ истеъмол товарларини пластик карточкалардан фойдаланган ҳолда сотиб 
олиш имкониятларини барча ҳудудларда яратиш лозим. Бунинг учун эса хизмат 
кўрсатувчи корхоналарни ҳисоб-китоб терминаллари билан янада кўпроқ таъминлаш 
зарур. Бу ўринда, 2017 йил 15 февраль куни имзоланган Ўзбекистон Республикаси 
Президентининг ПҚ-2777-сонли “Пул муомаласини янада такомиллаштириш ва банк 
пластик карталаридан фойдаланган ҳолда ҳисоб-китобларни ривожлантириш чора-
тадбирлари тўғрисида”ги Қарорида тўлов терминалларини ўрнатиш бўйича қатъий 
талаблар қўйилди. Жумладан, 2017 йил 1 мартдан бошлаб тадбиркорлик субъектлари, 
якка тартибдаги тадбиркорлар чакана савдо ва хизмат кўрсатиш соҳасида аҳолидан 
пластик карталар воситасида тўловларни қабул қилишни таъминловчи ҳисоб-китоб 
терминалини ўрнатмасдан фаолиятни амалга ошириш ҳуқуқига эга эмас эканлиги 
белгиланди. 
Шу ўринда, қуйидагиларни ҳам ҳисобга олиши зарур. Сўнгги йилларда 
республикамиз тижорат банклари томонидан пластик карточкаларни муомалага 
чиқариш ва улардан фойдаланиш сезиларли даражада ўсиб бориши билан бирга 
Ўзбекистон Республикаси Марказий Банки ва тижорат банклари томонидан савдо, 
хизмат кўрсатиш ва нақд пул муомаласи билан фаолият кўрсатадиган мижозларни 
ҳисоб-китоб терминаллари, банкоматлар ва пластик карточкалар билан таъминлаш, 
уларни юқори даражада ҳимоя қилиш бўйича белгиланган талабларга риоя этилишини 

---

34 www.journal.bfa.uz 
назорат қилиш, пластик карточкалардан фойдаланиш орқали нақд пулсиз тўловларни 
амалга оширишда сохталаштириш ёки бошқа қонунбузилишларга йўл қўймаслик 
масалаларига алоҳида эътибор қаратиляпти.