Мундарижа: 1-Қонун. ҚАрор қабул қилинг

ҒОЛИБЛАР ҚОНУНИ
Сиз бу китобни шунчаки варақлаб чиқсангиз ҳеч қандай натижага эришмайсиз. Ҳатто унинг баъзи қонунлари кўзингизга тез-тез тушиб турган ёки миянгизда қаттиқ ўрнашиб қолган бўлса ҳам бу ҳеч нарсани ўзгартирмайди. Сиз ҳаракат қилишингиз керак. Сиз бу қонунларни ҳар куни ҳаётда қўллашингиз керак. Амалий машқлар эса китобдан — сизнинг шахсингизга, бугунги ҳолатингиздан — яхшироқ ҳаётга ўзига хос кўприк бўлиб хизмат қилади.
Ҳар куни бу китобнинг бир бандини ўқинг ва ундаги машқларни бажаринг. Китобни охиригача ўқиб бўлиб, бошидан бошланг. Бу ҳолда, ўзлаштирган қонунларингиз ва ҳозир сизга керак бўлмайдиганларини қолдириб кетишингиз мумкин. Қандай ёндашувнинг танлашингиздан қатъий назар, асосийси — ҳаракатни бошланг. Қонунларни ҳаётингизда қўлланг.
Барча машқлар ҳақида бош қотиришдан кўра, битта машқни кўнгилдагидек бажаринг. Ҳозироқ сиз бажаришга қодир бўлган битта машқни танланг. Улардан баъзилари сиз учун муҳимроқ, бошқалари унчалик муҳим эмасдир. Бироқ ҳаракатни бошлаш керак. Бу дунёда қанчадан-қанча инсон ўз иқтидорини совуриб юборганини ўйланг.
Ғолиблар қонуни асосланган тажрибаларга минг йил бўлган. Барча давр ва замонларнинг ғолиблари шу қонунлар бўйича яшашган. Бироқ ҳеч ким уни тўлиқ ўзлаштирмаган. Нега? Биринчидан, биз доим ўсиб-улғайиб борамиз ва янада мураккаброқ масалаларга дуч бўлаверамиз. Иккинчидан, ғолиблар қонуни билан қанчалик кўп ишласак, ҳали ўқиб-ўрганишимиз керак бўлган соҳалар шунчалик кўп эканлигини англаймиз. Шу сабабли кимдир “мен буни аллақачон билар эдим”, деса ўзига-ўзи жинояткорона бино қўйган бўлиб чиқади.
Ҳар ким ўзича ўрганади. Кимдир кундалик тутади ва унга ўз ҳаракатларини ёзиб боради, бошқалар эса ўз-ўзини назорат қилиш имкониятига эга бўлиш учун барча машқларни ёзма равишда бажаради. Агар сиз шундай йўлдан бормоқчи бўлсангиз, ўзингиз эришган натижаларни ҳам қайд этиб боришингиз керак.
ЯГОНА МЕЗОН
Дангаса деб ном қозонган инсонларнинг кўпчилиги аслида интилиши керак бўлган мақсадга эга эмас. Югуришнинг йўналиши ноаниқ бўлса, тез югуришга не ҳожат?
Ёдда тутинг, ниятларингиз жиддийлигининг яккаю-ягона мезони мавжуд. Бу сизнинг ҳаракатингиз. Агар ўзингизга фаоллик етишмаётганини аниқлаган бўлсангиз, энди бунинг сабабларини ҳам аниқланг. Ўзингизга савол беринг: сиз мақсадга нима учун эришмоқчисиз? Сизга муваффақият нима учун шарт?!
Бу саволларга жавоб беришда шошилманг. Инсоннинг ишни қандай қилиши кераклигини билиш эмас, нега бу қилиши олға ҳаракатга ундовчи рағбат бўлиб хизмат қилади. “Нега?” деган саволга жавоб топган инсон “қандай?” саволига жавобни ҳар доим топади.
Сиз “Орзулар альбоми” тутинг ва турли журналлардан ўзингиз эришишни истаган нарсаларнинг суратларини қирқиб олиб, унга ёпиштириб қўйинг. Альбомни ҳар куни томоша қилинг ва ўзингизга савол беринг: “Орзуларимнинг қай бирига эриша оламан ва бу менга нима учун муҳим?” Ўзингизда “рағбат тугмалари”ни топинг. Сизни нима бошқараётганини англашга ҳаракат қилинг ва ушбу рағбатлардан ақл билан фойдаланинг.