Мундарижа: 1-Қонун. ҚАрор қабул қилинг

ЁЗМА ҲИСОБ
Барча хатти-ҳаракатларингиз юзасидан сиз ўз олдингизда ҳалол бўлишингиз керак. Кўпинча ўз-ўзингизга берилган ваъдалар бузилади. Агар барча режалаштириш ва назорат фақат сизнинг хаёлингизда юз берса, сиз аслидан кўра кўпроқ иш бажаргандек тасаввурни осонгина ҳосил қила оласиз. Агар сиз ўзингизга бугун нималар бажарилди, деган савол берсангиз виждонингиз сизга тўғри жавоб бермайди. Жавоб алдов ва баҳоналарга қоришиқ бўлади. Инсон табиати ўзи шунақа. Ўзни алдашнинг ягона йўли мавжуд. Сиз ҳаракатларингиз ва эришган натижаларингизни ёзма равишда ҳисоб-китоб қилиб боришингиз керак. Хаёлда сиз ҳамма маълумотларни ўзингизга ёқадиган қилиб жамлашингиз мумкин. Бироқ қоғоз — шаф қатсиз! Сиз нимадир қилгансиз ёки қилмагансиз! Статистика билан шуғулланинг, фақат рақамларни ёзинг. Бу ерда баҳона ва оқлашларга ўрин қолмайди. Рақамлар билан тортишиб бўлмайди. Режа ё бажарилган ёки йўқ.
Fолиблар ўзини назорат қилмасдан умуман ишлай олишмайди. Ахир бугун нима иш қилганингни билмасдан туриб, эртанги кун учун мақсадларни белгилаб бўладими? Ўзингни бошқара олмасанг, ўзгаларни қандай бошқарасан? Агар вақт, меҳнат сарфи ва якуний натижалар ўртасидаги боғлиқлик номаълум бўлса, даромадни қандай ошириш мумкин?!
Ҳамма ишни ҳам хаёлда бажариб бўлмайди. Бизнес — бу жуда кўп рақам, маълумот, факт ва деталлар дегани. Сиз ишни ўз оқимига ташлаб қўйиб, фақат хотирангизга суяна олмайсиз. Қайд қилиб бориш одати ҳаётнинг бошқа жабҳаларида ҳам албатта асқотади.
Fолиблар ҳар доим ўзларига бошлиқ ва ходим ролини жо қилишган. Ўз-ўзини алдаб қўймаслик учун улар назорат талаб этилган барса нарсаларни ёзиб юришади.
Агар инсон доим мақталса у ёқимли ҳислар оғушида қолади, бироқ мукаммаллашиш учун имкониятни бой беради. Конструктив танқид гарчи жуда аччиқ бўлса-да, фавқулодда фойдалидир. Fолиблар ўз хатти-ҳаракатларини объектив баҳолашади. Гарчи оғриқли ҳислар пайдо қилса-да, улар ўз олдларида тўғри бўлиб қолишни исташади.
Ёдда тутинг: кимки ўзига бўй сунмаса, бошқаларга бўй сунишга мажбур бўлди.