Мундарижа: 1-Қонун. ҚАрор қабул қилинг

ИШЛАРИНГИЗ БУТУН УМР СИЗГА ЙЎЛДОШ БЎЛАДИ
Вақт ўтиб, сиз тушиб қолган вазиятларнинг жуда кўпи сизнинг виждонингизга ҳавола эканлигини англайсиз. Бу ҳам ёқимли, ҳам ёқимсиз вазиятларга таалуқли. Ҳаммаси уларнинг уйғунлиги ва ният қилинаётган истиқболга боғлиқ. Эхтимол, вақт ўтиб сизнинг хатоларингиз ва мағлубиятларингиз қандайдир маъно касб этар. Бу ерда ҳам ҳолат қарта ўйинидагидек. Шунчаки олинган қарта ёмон ҳам яхши ҳам бўлмаслиги мумкин. Бироқ қўлингиздаги бир неча қарта ютишингиз ёки ютқазишингизни белгилаб бериши мумкин.
Агар сиз ҳаётингизда бирор нарсани ўзгартиришга қодир бўлсангиз, буни қилинг. Баъзи нарсаларни тезда ўзгартириб бўлмас, эҳтимол ҳеч қачон ўзгартиролмассиз. Бу фактни ёдда тутинг. Асосийси - бир шароитдан бошқасини фарқлашни ўрганасиз. Бир қарашда «фойдасиз» кўринган вазият ортида яширин устунликларни илғаб олишга ҳаракат қилинг. Кўпчилик узоқ вақт кулиб масхара қилган куни келиб сизнинг кўзирингизга айланиша мумкин.
ЎЗИНГИЗНИ БОШҚАЛАРГА СОЛИШТИРМАНГ
Биз доим ўзимизни атрофдагилар иблан солиштирамиз - гўёки бу уларнинг фонида яхшироқ кўринишимизга ёрдам берадигандек. Бундай таққослаш давомида кимдандир нимададир ортда, бошқалардан нимададир устун эканлигимизни аниқлаймиз. Унимининг ҳам, бунисининг ҳам бизга ҳеч қандай нафи йўқ.
Агар биз ўша устунлигимизни пайқасак, биз ўз мувоффақиятимиз сифатида талқин қиламиз. Бироқ бунда ўта баҳсталаб мезондан фойдаланамиз. Биз ўзимизни молиштираётган инсон балки шунчаки ривожланишдан тўхтагандир. Бундай ҳолатда биз бошқаларнинг мувоффақиятсизлиги ортига беркинган бўламиз.
Агар бошқа инсонга таққослашда ютқазсак ҳам бу бизга фойда бермайди. Фаолиятнинг у ёки бу жабҳасида биздан устунроқ бўлган инсонни исталган вақтда ҳам топиш мумкин. Бу ҳолатда биз ўзимизга ишонч ва қатъиятни йўқотишимиз мумкин. Агар биз диққатни фақат ўзимизга қаратсак, бу бизга ўзимизга хослигимизни тушунишда ёрдам беради. ШУ сабабли ҳар ўандай солиштириш маънога эга эмас. Ўзимизни фақат ўз мезонимиз бўйича баҳолашимиз мумкин. Биз ўзимизни ўшандек бўлишни истаган ва ўшандек бўла оладиган инсон билан таққослашимиз керак.