Мундарижа: 1-Қонун. ҚАрор қабул қилинг

АМАЛИЙ МАШҚЛАР
Бугун мен ўзимда ҳаракатланишга ҳал қилувчи қобилиятни ўстиришни бошлайман. Бунинг учун қуйидагиларни қиламан:
1. Мен доим ортга ташлаб юрган ишларимнинг рўйхатини тузиб чиқаман ва улардан қайсиларини бугуноқ амалга оширим мумкинлигини аниқлайман.
2. Мен ўзимнинг “Орзу альбоми”мга қарайман. Ҳаётнинг асосий беш жабҳаси (саломатлик, ўзаро муносабатлар, молия, ҳиссиёт ва иш)да мақсадларим борми? Хўш, бу мақсадларим альбомимда ўз аксини топганми?
3. Мен ушбу китобдаги барча ёзма машқларни бажарадиган кундалик юритаман. Бу менга ҳеч нарсани эътибордан четда қолдирмаслик ва муваффақиятларимни қайд этиб боришда ёрдам беради.
4. Мен ўзимга савол бераман: “Баъзи ишларни ортга ташлаётганимнинг сабаби нимада? Уларнинг фурсати ҳали келамаган деб ҳисоблайманми? Балки бу бир баҳонадир?”

FОЛИБЛАР ҚОНУНИ. 7-ҚОНУН. ЎЗИНГИЗДА СТРЕССГА НИСБАТАН ТЎҒРИ МУНОСАБАТНИ ШАКЛЛАНТИРИНГ

Ш огирдлар ўз устозлари мисли кўрилмаган даражада меҳнаткаш эканини сезиб қолишибди. Улар устозларига «нега чарчоқ нималигини сезмайсиз, доим бамайлихотирсиз ва ўзингизни тутиб олгансиз?» деб савол беришибди.
Доно шундай жавоб қилибди:
— Мен тўхтаганимда тўхтаган бўламан. Юрганимда эса юраман. Югурганимда югураман.
— Бунинг қандай сири бор? — ҳайрон бўлишибди шогирдлар. — Биз ҳам шундай қиламиз-ку?! Нега унда сиздан камроқ ишласак-да, тезда чарчаб қоламиз?
Доно дебди:
— Сизлар тўхтаганларингда юра бошлайсизлар. Юрганларингда эса югура бошлайсизлар. Югурганларингда эса ўзларингни мақсадларинг олдида кўрасизлар.
* * *
Стресс (руҳий зарба) умумхалқ фалокатига айланиб улгурган. Амалда ҳар бир инсон қисман бўлсада стрессдан азият чекади. Жуда кўпчилик «стресс соғлиқ учун зарарлидир», деган фикрда. Шу сабабли инсонлар стрессга учрамасликка ҳаракат қилишади. Лекин деярли ҳеч ким стресс ўзи нималигини билмайди. Натижада, турли тушунмовчиликлар ва афсоналар пайдо бўлган. Одамлар стрессни қандайдир даҳшатли нарсага айлантириб қўйишган. Келинг, стресс ҳақида энг кенг тарқалган уч асосий афсонани ўрганиб чиқайлик.
1. Стресс касалликларга сабаб бўлади. 
2. Стресс меҳнатнинг оғирлигидан келиб чиқади. 
3. Стрессдан имкон қадар йироқ юриш керак.
Юқоридаги бу уч таъкид мутлақо нотўғри!