Mukofotni qanday qilib va qanday miqdorda taqsimlaysiz?

1-vaziyat
Siz xizmatchilar soni bo’yicha taxminan teng, lekin turli ijtimoiy tarkibli ikkita bo’limdan iborat mehnat jamoasining rahbarisiz. Korxonada yakuniy natija deb sotilgan mahsulotdan tushumlar, mehnat unumdorligi va mahsulot sifati qabul qilingan. Samaradorlik ko’rsatkichi – yalpi daromad. Joriy choraklikda jamoangiz asosiy ko’rsatkichlarni bajardi, lekin sifat bo’yicha muammolar yuzaga chiqdi. Bunga asosan yosh yigitlar ishlaydigan A bo’limi aybdor bo’lib chiqdi. B bo’limi sifatni pasayishida aybdor bo’lmasada, jamoada ma’lum bo’lgan bir qancha tartibbuzarliklarga yo’l qo’ygan. B bo’limida asosan ayollar ishlaydi va u yerda kelishmovchiliklar ko’p bo’lib turadi. Jamoangizga mo’ljallangan mukofot pasaytrildi va xizmatchilar soniga teng mo’ljallangan.
Mukofotni qanday qilib va qanday miqdorda taqsimlaysiz?

1. 
   Aqllilik qilmaysiz va ikki bo’lim ham xatoliklarga yo’l qo’yganligini e’tiborga olib xizmatchilarga teng taqsimlaysiz.
   
2. 
   Mukofotni ish haqiga mos ravishda taqsimlaysiz.
   
3. 
   A va B bo’limlar rahbarlaridan xizmatchilar KTU haqida ma’lumot olasiz va kamchiliklarga qaramasdan ular bilan birgalikda mukofotni taqsimlaysiz.
   
4. 
   Mukofotni kamchiliklarni e’tiborga olgan holda ikkita bo’limga bo’lasiz va bo’lim boshliqlariga uni taqsimlashni topshirasiz.
   
5. 
   Mukofotni boshqa bir usulda taqsimlaysiz.
   

2-vaziyat

«O’rinbosar tayinlash»

Hissadorlar yig’ilishida Aglamovni korxona direktori etib saylashdi. Undan oldingi direktor ishga layoqatli jamoani murakkab moliyaviy vaziyatga tashlab, nafaqaga chiqib ketdi.
Bungacha Aglamov uch yil mobaynida iqtisodiyot bo’yicha o’rinbosar bo’lib ishladi. U ekstravert, muloqot uchun ochiq, bilimli, temperamenti bo’yicha flegmatik va sangvinik, ish natijalariga yo’nalgan. Aglamov o’ziga ikkita o’rinbosar tanlashi kerak. Turli ishbilarmonlik va ruhiy xususiyatlariga ega bo’lgan bir necha nomzodlar mavjud---.
1.Ibragimov – insoniy munosabatlarga yo’nalgan, jamoada do’stona iqlim, xizmatchilar o’rtasida o’zaro ishonch, kelishmovchilkilarning bo’lmasligini xohlaydi. Biroq u aloqa va kommunikatsiyaga ko’p vaqt ajratadi va bo’lim bo’yicha reja ko’rsatkichlarini bajarilishiga har doim ham erisholmaydi. Ibragimovning qaror va ko’rsatmalari har doim ham aniq va bilimli xizmatchilarga mo’ljallangan emas.
2.Po’latov – ishga va yakuniy natijalarga yo’nalgan. U hali yosh, intiluvchan, qo’yilgan maqsadlarga doim erishadi, boshqaruvning avtoritar usulidan foydalanadi. Ish manfaatlari uchun Po’latov munosabatlarning o’tkirlashishiga ham boradi, bunda shaxslarga va xodimlarning ruhiyatiga e’tibor qaratmaydi. Shuning uchun ham “kar’erist” laqabini olgan.
3.Samigov – qoidalar bo’yicha ishlashni afzal biladi, rahbariyat topshiriqlarini sidqidildan bajaradi, qo’l ostidagilarga talabchan, hamma bilan rasmiy muomalada. Jamoada uni “quruq” deb ataydilar. Bo’linmasi rejalarni bajaradi, lekin kadrlar qo’nimsizligi boshqa bo’limlarga nisbatan ko’proq.
4.Nabiev – ishga ham, insoniy munosabatlarga ham yo’naltirilgan. Katta tajribaga ega bo’lgan bilimli va obro’li rahbar, xizmatchilar uni sevadilar va qiyin paytda qo’llab quvvatlashga tayyorlar. Uning asosiy kamchiligi spirtli ichimliklar iste’mol qilishidir, lekin bu hozircha ishiga ta’sir ko’rsatmayapti.
Aglamovga o’rinbosarlikka kimni tavsiya qilgan bo’lardingiz? Nima uchun?