Muhandislik grafikasi

3.4-shakl 3.5-shakl
Piramida qirralarining ko‘rinar-ko‘rinmasligini aniqlash uchun AS va BS qirralarining kesishish nuqtasi 1 va 2 orqali o‘tgan П₂ ga perpendikulyar bo‘lgan ko‘rish nuri I dan foydalaniladi. Gorizontal proeksiyada ko‘rish nuri oldin 1 nuqtada BS chiziqni, keyin 2 nuqtada AS chiziqni kesib o‘tadi. Demak, frontal proeksiyada B₂S₂ qirra ko‘rinar, A₂S₂ qirra esa ko‘rinmas bo‘ladi. Xuddi shu usulda 3 va 4 nuqtadan o‘tgan II ko‘rish nuri bo‘yicha kuzatilganda, gorizontal proeksiyada A₁S₁ chiziqning ko‘rinar, B₁S₁ qirra esa ko‘rinmas ekanligi aniqlanadi.

Piramida yoki prizmaning yon sirtiga tegishli M nuqtaning proeksiyalarini yasash uchun avvalo M nuqta orqali o‘tuvchi S5(S₁5₁,S₂5₂) (3.4-shakl) yoki 12(1₁2₁, 1₂2₂) (3.5-shakl) yasovchilar quriladi. M nuqtaning yasovchiga tegishliligidan kelib chiqib, uning yetishmovchi proeksiyalari aniqlanadi.