Muhandislik -geologik tadqiqotlar

 
 
 
 
 
 
 
 
 
 

---

165 
 
22. AEROFOTOS’YOMKA  VA  AEROVIZUAL  KUZATISHLAR 
Aerofotosuratlar  yordamida  geologik  ob’yektlar  va  jarayonlarni  talqin 
qilishda ularning bevosita va bilvosita belgilaridan foydalaniladi.  
Bevosita  talqin  qilish  belgilari  geometrik  va  fotogrammetrik  xillarga 
bo’linadi.  Geometrik  belgilarga  relyefning  shakli,  o’lchamlari,  tog’  jinslarining 
o’zaro  joylashishi  kirsa,  fotogrammetrik  belgilari  suratlarda  aks  etgan  rang  va 
tuslardan iborat bo’ladi. 
Bilvosita  talqin  qilish  belgilariga  relyef,  suv  tarmoqlari,  o’simliklar  va 
tuproq qoplami va boshqalar kiradi. 
Relyef    aerokosmosuratlarda  geologik  ob’ektlarni  bilvosita  talqin 
qilishning  muhim  belgilardan  biri  sanaladi.  Chunki  geologik  tuzilish  bilan  relyef 
orasida  ma’lum  qonuniy  aloqadorlik  mavjud  bo’ladi.  U  tektonik  harakatlar  va 
strukturalarni  aniqlashda  ishonchli  ma’lumotlar  beradi.  Kosmosuratlarda  relyef 
shakllari  turli  rang  va  tuslarda  tasvirlangan  bo’ladi.  Ularni  talqin  qilish  natijasida 
relyefning  shakli,  nisbiy  yoshi  va  rivojlanish  tarixi  to’g’risida  mukammal 
ma’lumotlar olish mumkin. 
Suv  tarmoqlari.  Bu  belgi  yordamida  nurash  jarayoni,  yer  yoriqlari  va 
darzliklar, burmali strukturalar, tog’ jinslarining tarkibi talqin qilinadi.