Muhammad al-xorazmiy nomidagi toshkent axborot texnologiyalari universiteti “Telekommunikatsiyada boshqaruv tizimlarining apparat va dasturiy ta’minoti” kafedrasi

 
 
 

---

Kirish 
 
Infokommunikatsiya xizmatlari taraqqiyoti axborot resurslarini samarali 
boshqarish bilan birgalikda, aloqa tarmog’ining funksionalligini kengaytirish kabi 
yechimlarni talab qiladi. O’z navbatida, telekommunikatsiyalar sohasida yangi 
texnologiyalarning kiritilishi va rivojlanishi aloqa operatorlari oldida xizmat 
ko’rsatish sifatini ta’minlash, protokollar o’rtasida o’zaro ishlashni tashkil etish, 
ishonchli transportni taqdim etish, xizmatlar to’plamini aniqlash kabi hal etilishi 
talab 
qilinadigan 
ayrim 
masalalarni 
mavjudligini 
ko’rsatadi. 
Bu 
esa 
telekommunikatsiyalarning bugungi kundagi jadal sur’atlarda rivojlanishida axborot 
resurslariga bo’lgan talabning oshishining asosiy sababidir. Shu bilan birga, 
foydalanuvchilarning o’ziga kerak bo’lgan ma’lumotlarni yuqori sifatda, ishonchli, 
o’ta tezkor, qo’llanilishi oson bo’lgan tarzda olishiga ehtiyoji oshgan. Bunday 
sharoitda tarmoqlar va xizmatlarni boshqarish tizimlari va texnologiyalari katta 
axamiyatga ega bo’lib, ularning protokolli, algoritmik, va amalga oshirilishi 
zamonaviy tarmoqlarning muhim qismi hisoblanadi va boshqarishga oid jixatlarni 
o’rganishni talab qiladi. 
Global AKT yechimlari provayderi Huawei kompaniyasi ochiq korporativ 
tarmoqni modellashtirish platformasini (eNSP) ishlab chiqdi. Platforma haqiqiy 
tarmoq qurilmalari simulyatori boʻlib, Huawei kompaniyasining maʼlumotlarni 
uzatish mahsulot liniyasi haqida tasavvurga ega boʻlish imkonini beradi. Tarmoq 
simulyatori foydalanuvchilarga virtual muhitda rivojlanayotgan texnologiyalar va 
tarmoqlarning imkoniyatlarini tushunishga yordam beradi, ular qurilmalar, 
protokollar, havolalar va ilovalarni yangilash yoki masshtablashda topologiya 
harakati va unumdorligi haqida aniq tushunchaga ega boʻladi.
Ushbu uslubiy koʻrsatma “Telekommunikatsiya tarmoqlarini boshqarish 
asoslari” fanidan laboratoriya ishlarini bajarishda batafsil ma’lumotnoma va uslubiy 
yordam boʻlib xizmat qiladi.