Muhammad al-xorazmiy nomidagi toshkent axborot texnologiyalari universiteti “Telekommunikatsiyada boshqaruv tizimlarining apparat va dasturiy ta’minoti” kafedrasi

 
Topshiriq: 
Ushbu laboratoriya ishini bajarishda quyidagi vazifalarni bajarishingiz kerak: 
- R1, R2, R3 marshrutizatorlar va LSW1, LSW2, LSW3 kommutatorlar 
interfeyslarini 3.1-rasmda ko’rsatilganidek sozlang va tekshiring;
- Interfeys va IP-manzil yordamida keyingi sakrash sifatida statik marshrutni 
sozlash; 
- Statik marshrutning ishlashini tekshirish; 
- Standart marshrut yordamida mahalliy va tashqi tarmoqlar o’rtasidagi 
munosabatlarni amalga oshirish; 
- Marshrutizatorda zaxira statik marshrutni o’rnatish. 
 
Nazariy qism
Marshrutizatorlar (OSI tarmoq modelining 3 pog’onasi) tarmoq pog’onasi 
asosida bir nechta tarmoqlarni bog’lash uchun ishlatiladi. TCP/IP protokollar steki 
ikki turdagi marshrutlashni taqdim etadi: statik va dinamik. 
Statik marshrutizatsiya shuni anglatadiki, marshrutizatsiya jadvallari route 
buyrug’i asosida qo’lda tizim ma’muri tomonidan sozlanadi. Ushbu turdagi 
marshrutlash usuli tarmoq bir yoki ikkita boshqa tarmoq bilan o'zaro aloqada 
bo'lganda tavsiya etiladi. Biroq, agar tarmoq ko'p sonli tarmoqlarga ulangan bo'lsa, 
u holda shlyuzlar soni keskin ortadi va marshrutlash jadvallarini qo'lda saqlash 
uchun sezilarli vaqt talab etiladi. Dinamik marshrutizatsiyada marshrutlash 
jadvallari demonlar (ma'lumotlarni uzatish uchun tarmoq marshrutlarini 
aniqlaydigan doimiy (uzluksiz) ishlaydigan dastur) tomonidan avtomatik ravishda 

---

yangilanadi.
Marshrutlash demonlari doimiy ravishda boshqa marshrutlash 
demonlaridan bildirishnomalar orqali uzatiladigan ma'lumotlarni oladi, shuning 
uchun ular doimiy ravishda marshrutlash jadvallarini yangilaydi.
Gated va routed 
ushbu turdagi standart dasturlarga misol bo'la oladi.
Dinamik marshrutlashdan farqli o'laroq, statik marshrutlar belgilangan bo'ladi 
va tarmoq o'zgarganda yoki qayta konfiguratsiya qilinganda o'zgarmaydi. Statik 
marshrutlash va dinamik marshrutlash bir-birini istisno qilmaydi. 
Dinamik marshrutlash va statik marshrutlash odatda marshrutlash 
samaradorligini oshirish va dinamik marshrutlash aloqasi mumkin bo'lmaganda 
zaxira nusxasini ta'minlash uchun marshrutizatorda qo'llaniladi.