Muhammad al-xorazmiy nomidagi Toshkent Axborot Texnologiyalari Universiteti Farg`ona filiali Fan : Optik aloqa tizimlari

Muhammad AL-Xorazmiy nomidagi Toshkent Axborot Texnologiyalari Universiteti Farg`ona filiali
Fan : Optik aloqa tizimlari
O`qituvchi : M. Xalilov

Amaliy ish -9


Tayyorladi : Abduqaxxorov Abduqodirjon.
Guruh : 631-18
9-Amaliyot mashg‘uloti

Mavzu: Optik regeneratorlarni o‘rganish va tekshirish.

Ishdan maqsad: Optik aloqa tizimlarida optik signallarni uzoq masofalarga yo‘qotishlarsiz uzatish maqsadida qo‘llaniluvchi optik signal regeneratorlarining tuzilish va ishlash porinsipini o‘rganish.

1. Nazariy qism

Talab etiladigan signal-shovqin nisbatini, ya’ni shovqindan himoyalanganlikni ta’minlash maqsadida raqamli TOA liniyalarida retranslyatorlar joylashtiriladi. Retranslyatorlar ikki turga bo‘linadi:

1. Regeneratorlar; 2. Optik kuchaytirgichlar.

Dispersiya ta’siri uncha katta bo‘lmagan, “0” ni “1” dan farqlasa bo‘ladigan xolatlardagina optik kuchaytirgichlaridan foydalaniladi. Kuchaytirgichlar signal shaklini tiklamaydi, faqat so‘ngan signallarni kuchaytiradi va qabul qilingan signalga qo‘shimcha shovqinlar beradi. Shuning uchun ularni soni berilgan shovqindan himoyalanganlik (xatolik koeffitsienti) va dispersiyaning ruxsat etilgan qiymatlarini hisobga olgan holda chegaralanadi.

Raqamli regeneratorlarda signallar nafaqat kuchaytiriladi, balki to‘g‘rilanadi ham. Signallarni kuchaytirish, boshlang‘ich shaklini tiklash, to‘g‘rilash, shovqinlarni bartaraf etish regeneratsiyalash deyiladi. 8.1-rasmda optik kuchaytirgich va optik regeneratorning optik signallarga ishlov berish natijalarini ko‘rish mumkin.

Regeneratsiyalash regeneratorlarda amalga oshiriladi. Regeneratorni uzatuvchi va qabul qiluvchi optik modullar va regeneratsiyalash bloki yig‘indisi sifatida ko‘rish mumkin.

Spektr (to‘lqin) bo‘yicha zichlashtirish usulida optik kuchaytirgichlarning vazifasi keskin ortadi. Chunki optik kuchaytirgichlar turli optik tashuvchili bir necha optik signallarni bir vaqtda kuchaytiradi. Xattoki bu hollarda ham, dispersiya tufayli signallarni buzilishiga va shovqinlarga qo‘yiladigan talablar bajarilmaydigan oraliq stansiyalarda va oxirgi stansiyalarda regeneratorlarni o‘rnatish shart.

Regenerator va optik kuchaytirgichlarning taqqosiy xarakteristikalari 9.1-jadvalda berilgan.

9.1-rasm. Optik kuchaytirgich va optik regeneratorlarning optik signallarga ishlov berish natijalari

Optik kuchaytirgichlar kam elementlardan tarkib topgani uchun uning tuzilishi oddiy. Lekin narxi ancha qimmat. Ehtiyojni oshishi bilan narxi arzonlashishi mumkin. Optik kuchaytirgichlarning ishonchliligi regeneratorlarga qaraganda yuqori. Bu uning eng muhim afzalligi bo‘lib, suv ostida optik kabellarni yotkazganda retranslyatorlarni tashkil etishda e’tiborga olinadi.

9.1-jadval

Regenerator va optik kuchaytirgichlarning qiyosiy xarakteristikalari

Xarakterisikasi	Regenerator	Optik kuchaytirgich
Tuzilishi	Murakkab	Oddiy
Narxi	Arzon	Qimmat, ammo tushayapti
Puxtaligi	Yuqori	Juda yuqori
Signalni regeneratsiyalash	Bajariladi	Bajarilmaydi
Uzatish tezligiga bog‘liqligi	Bog‘liq	Bog‘liq emas
Bir vaqtda bir necha signal- larni uzatish imkoniyati	Mavjud emas	Mavjud
Signal/ shovqin nisbati	Yuqori	Quyi
Qo‘llanish sohasi	Lokal, regional va regionlararo tarmoqlar	Regional va ragionlararo tarmoqlar

Optik kuchaytirgichlarni ishi signallarni uzatish tezligiga bog‘liq emas, regeneratorlarda esa aksincha. Regeneratorlar bitta signal bilan ishlaydi. Optik kuchaytirgichlar esa kuchaytirish zonasining berilgan oraliq chegarasida turli to‘lqin uzunlikli (WDM signal) bir necha optik signallarni bir vaqtda kuchaytiradi.

Retranslyator – regeneratorning umumiy tuzilish sxemasi 8.2-rasmda keltirilgan.

9.2-rasm. Raqamli retranslyatorning umumlashgan tuzilish sxemasi.

Sxemada:

OK – optik kabel (stansiya yoki liniya kabeli);

OEO‘ – optoelektron o‘zgartirgich. Optik signalni elektr signaliga o‘zgartiradi. OEO‘ sifatida p-i-n fotodiod yoki lavin fotodiod ishlatiladi;

DK – dastlabki kuchaytirgich;

AK – amplituda korrektori, optik kabelda birinchi navbatda dispersiya tufayli hosil bo‘ladigan buzilishlarni qisman bartaraf etadi;

QQF – qabul qiluvchi filtr, foydali chastota oralig‘idan tashqaridagi shovqin va buzilishlarni bartaraf etish maqsadida signal spektriga bog‘liq ravishda chastota oralig‘ini chegaralaydi;

SAB – sathni avtomatik boshqaruvchi qurilma, elementlarning eskirishi, xarorat natijasida kabel va OEO‘ xususiyatlarini o‘zgarishidan qurilma kirishidagi signallar o‘zgarganda regenerator kirishidagi kirish signallari sathini doimiyligini ta’minlaydi;

BQ – boshqaruvchi qurilma, SAB qurilmasidan berilayotgan signallar ta’sirida OEO‘ uzatish parametrlari o‘zgarishini ta’minlaydi;

Reg – regenerator, elektr impulslari shaklini tiklaydi;

EOO‘ – elektron optik o‘zgartirgich, elektr impulslari ketma-ketligini optik impulslar ketma-ketligiga o‘zgartiradi. EOO‘ sifatida yorug‘lik yoki lazer diodlari qo‘llaniladi.

Raqamli retranslyatorning asosiy elementi regenerator hisoblanadi.
Xulosa