Muhammad al-xorazmiy nomidagi toshkent axborot texnologiyalari universiteti televizion texnologiyalari fakulteti fizika kafedrasi

162. Massasi 2 kg va 2 m/s tezlik bilan sirpanishsiz gorizontal tekislikda dumalab ketayotgan diskni kinetik energiyasi hisoblansin.
163.Bir xil 5 m/s tezlik bilan sirpanmasdan dumalab ketayotgan massalari bir xil 2 kg li g‘ildirak va to‘liq silindr kinetik energiyalarini toping.
164. Qiya tekislikdan g‘ildirak ishqalanish bor bo‘lganda dumalab, ishqalanish yo‘q bo‘lsa sirpanib tushadi. Qiya tekislikning oxirida, g‘ildirakning tezligi qaysi holda va necha marta katta bo‘ladi?
165. Qiyalik burchagi 30^o bo‘lgan tekislikdan shar dumalab tushayapti. Agarda boshlang‘ich tezligi nolga teng bo‘lsa, qiya tekislikka nisbatan shar markazining tezligi qanday bo‘ladi?
166. G‘ildirak va to‘liq shar gorizontal tekislikdan dumalab ketayapti. Bularning yo‘lida ma’lum balandlikka ega bo‘lgan do‘nglik bor. Bu jismlarning do‘nglikdan o‘tishi zarur bo‘lgan eng kichik tezliklari topilsin.
167. Uzunligi 2 m va balandligi 10 sm qiya tekislikdan g‘ildirak ishqalanishsiz qancha vaqt dumalab tushadi?
168. Sirpanishsiz dumalab ketayotgan disk, qiyalik burchagi 30^o qiya tekislikka parallel υ = 7 m/s boshlang‘ich tezlikka ega bo‘lsa, u qancha masofani o‘tadi?
169. Bir jinsli to‘liq disk gorizontal tekislikdan 10 m/s tezlik bilan dumalab ketayapti. Disk o‘z holicha dumalasa, to‘xtaguncha qancha yo‘l bosadi? Ishqalanish koeffitsiyenti 0.02.
170. Agarda dumalab ketayotgan diskni aylanma harakatini e’tiborga olmasa, kinetik energiyani hisoblashda qanday nisbiy hatolikka yo‘l qo‘yamiz?
171. Massalari bir xil bo‘lgan va sirpanishsiz dumalab ketayotgan g‘ildirak va diskni chiziqli tezliklari bir xildir. G‘ildirakning kinetik energiyasi W = 40 j. Diskning kinetik energiyasi topilsin.
172. Balandligi 1 m bo‘lgan qiya tekislikdan sirpanishsiz dumalab ketayotgan sharning markazi qanday chiziqli tezlikka ega bo‘ladi?