Muhammad al-xorazimiy nomidagi toshkent axborot texnologiyalari universiteti radio va mobil aloqa fakulteti

Yumshoq xendover hisobiga yutuq

Yumshoq xendover mobil stansiya minimum ravishda ikkita sotalar bilan bir vaqtda ulanishida o‘z o‘rniga ega bo‘ladi. Agar bu sotalar turli bazaviy stansiyalarga (Node B) tegishli bo‘lsa, u holda ikkita yuqoriga kanallarni birlashtirish radiotarmoq kontrolleri (RNC) orqali amalga oshiriladi. Agar sotalar bitta bazaviy stansiyaga (Node B) tegishli bo‘lsa, u holdasignallarni birlashtirish bazaviy stansiyaorqali amalga oshiriladi.

Pastga liniyada ikkita kanallarni birlashtirish mobil stansiyaning RAKE-qabul qilgichi orqali optimal qo‘shish usuli bilan amalga oshiriladi. Ajratilgan qabul qilish usulini ko‘rib chiqish mumkin, undan foydalanishda turli kanallar signallari ularning vazn koeffitsientlarini hisobga olish bilan qo‘shiladi, har bir kanaldagi kuchaytirish koeffitsientlari esa signal quvvatining o‘rtacha kvadratik qiymatiga to‘g‘ri proporsional va bu kanallardagi shovqin quvvatining o‘rtacha kvadratik qiymatiga teskari proporsional. Optimal qo‘shishda chiqishdagi sigal/shovqin nisbati maksimal bo‘ladi.

Yumshoq xendoverdan yutuqqa makro-ajratishli qabul qilish hisobiga erishiladi, demak soya zonalar va so‘nishlardan salbiy samaralarni kamaytiradi. Real tarmoqda ko‘plab sotalarni xizmat ko‘rsatish zonalari kesishishadi. Sotaning chegarasida mobil stansiyalar bu vaqt momentida mumkin bo‘lgan sotalardan eng yaxshisi tanlashi mumkin, ya’ni mobil stansiyalar bitta bog‘lanish bilan cheklanmagan. Bu so‘nishga zahira radioliniyaning byudjetini hisoblashda kamaytirilishi mumkin, talab qilinadigan E_b/N₀qiymatning kamayishi bo‘lib o‘tadi.

Yumshoq xendoverdan yutuq radioto‘lqinlarning tarqalishi sharoitlariga bog‘liq. Signallarning so‘nishi juda sezilarli bo‘lgan shaharlarda turli manbalardan keladigan signallar orasidagi korrelyasiya juda kichik, buning natijasida yumshoq xendoverdan foydalanishdan yutuq ortadi. Va aksincha, signallar sezilarli so‘nishlarga uchramaydigan qishloq joylarida turli manbalardan keladigan signallar orasidagi korrelyasiya ortadi va yutuq kamayadi. YUtuqning qiymati 2-5 dB chegaralarda o‘zgaradi. Radioliniyaning byudjetini hisoblash uchun yutuqning odatdagi qiymati 2-3 dBni tashkil etadi.