Муддатли депозит шартномаси №

3. ТАРАФЛАРНИНГ ҲУҚУҚЛАРИ
3.1. Омонатчи қуйидаги ҳуқуқларга эга:
3.1.1. Омонатчи томонидан депозитни тўлиқ ёки қисман Шартномада кўрсатилган муддатга кадар муддатидан олдин қайтариб олиш. Бунда Банк Омонатчига депозитни амалда жойлаштирилган муддат учун фоизларни мазкур Шартноманинг 2.2.7. бандида келтирилган шартларга асосан тўлаб беради.
3.1.2. Банкнинг ташаббуси депозит тўлиқ ёки қисман муддатидан олдин қайтарилган тақдирда, муддатидан аввал қайтарилган суммага мазкур Шартноманинг 1.2. ва 2.2.7. бандларида белгиланган фоиз миқдорида депозитдан ҳақиқатдан фойдаланилган кунлар учун фоизларни олиш.
3.2. Банк қуйидаги ҳуқуқларга эга:
3.2.1. Мазкур Шартномани шартларини ўзгартириш бўйича таклиф билан Омонатчига мурожаат қилиш. Мазкур Шартнома шартларига киритилган ўзгартиришлар Омонатчининг розилиги ва Шартномага қўшимча келишув бўлган тақдирда амалга оширилади.
4. ТАРАФЛАРНИНГ ЖАВОБГАРЛИГИ
4.1. Мазкур Шартнома бўйича мажбуриятларни бажармаслик ёки лозим даражада бажармаслик учун тарафлар Ўзбекистон Республикасининг амалдаги қонун ҳужжатларида белгиланган тартибда жавобгар бўлади.
4.2. Мазкур Шартномада белгиланган тўловлар ўз муддатида амалга оширилмаган тақдирда, тўловни кечиктирган тараф ҳар бир кечиктирилган кун учун асосий қарз суммасининг 0,1% миқдорида пеня тўлайди, лекин тўланиши керак бўлган сумманинг 50% фоизидан ошмаслиги лозим.
4.3. Пеняларни тўлаш тарафларни мазкур Шартнома бўйича мажбуриятларини бажаришдан озод қилмайди.


5. ШАРТНОМАНИНГ АМАЛ ҚИЛИШ МУДДАТИ,
ШАРТНОМАНИ ЎЗГАРТИРИШ ВА БЕКОР ҚИЛИШ ТАРТИБИ
5.1. Шартнома тарафлар ўртасида имзоланган ва депозит ҳисоб рақамига маблағлар жойлаштирилган кундан бошлаб кучга киради ҳамда тарафлар ўз мажбуриятларини тўлиқ бажаргунга қадар амалда бўлади.
5.2. Тарафларнинг икки томонлама розилигига асосан, Шартномага қўшимча келишув тузилиб, унда келишилган шартлар асосида депозит муддати узайтирилиши мумкин. Бунда манфаатдор тараф иккинчи тарафга депозит амал қилиш муддати тугашидан камида 3 кун олдин таклиф билан мурожаат қилади.
5.3. Мазкур Шартномага киритилган барча қўшимча ва ўзгартиришлар ёзма равишда ҳар иккала тарафнинг ваколатли шахслари томонидан имзоланиб, муҳрлари билан тасдиқланган тақдирдагина хақиқий ҳисобланади.
5.4. Бир тараф иккинчи тарафни 10 (ўн) кундан кам бўлмаган муддатдан аввал огоҳлантирган ҳолда, унинг ёзма розилигига асосан мазкур Шартномани бекор қилиши мумкин.


6. МАХФИЙЛИК
6.1. Мазкур Шартномани тузиш ва бажариш вақтида тарафлар бир-биридан олган барча маълумотлар махфий ахборотлар деб тан олинади.
6.2. Шартномани тузиш ва Шартномадан келиб чиқадиган мажбуриятларни бажариш чоғида бошқа тарафнинг тижорат сири ҳисобланган махфий ахборотлар ва маълумотларни ахборот эгасининг ёзма розилигисиз ошкор қилмаслик мажбуриятини олади. Мазкур талаб Шартноманинг амал қилиш муддатига ҳамда Шартнома муддати тугаган вақтдан бошлаб 3 йил мобайнида амал қилади.
6.3. Ушбу талабларни бузган тараф бунинг оқибатида иккинчи тарафга етказилган барча зарарни тўлиқ хажмда қоплайди.