Муҳаммад ал-Хоразмий номидаги

3. Фойдаланилган дастурий воситалар

Ҳозирги кунда амалий дастурлаш воситаларининг бир нечта турлари мавжуд. Улар ўзларининг имкониятидан келиб чиқиб турли типдаги масалаларни ҳал этишда ўз устунлигини кўрсатиши мумкин.

Биз ушбу курс иши асосида дастурий таъминотни яратиш учун C++ дастурлаш тилига асосланган Qt Creator дастурлаш воситасини танладик. Бу дастурлаш воситасини танлашимизга бир қанча асослар бор. Қуйида улар билан таништирамиз.
Qt C++ (ёки Qt Creator) дастурлаш воситаси ҳозирги кунда дастурчиларнинг энг самарадор воситасига айланиб улгурган. Ахборот-коммуникацион технологиялар билан шуғулланувчи дунёнинг бир қатор йирик компаниялари ўз маҳсулотларини Qt C++ дастурлаш воситасида яратмоқдалар. Бундай компанияларга мисол сифатида Adobe, Amazon, AMD, Boshc, Blackberry, Cannon, Cisco Systems, Disney, Intel, IBM, Panasonic, Pioneer, Philips, Oracle, HP, Goober, Google, NASA, NEC, Neonway, Nokia, Samsung, Siemens, Sony, Xerox, Xilinx, Yamahaларни келтириш мумкин.
Шу билан бирга ҳозирги кунда маълум ва машҳур бўлган бир қатор компьютер дастурлари ҳам айнан Qt C++ библиотекалари ёрдамида яратилган. Хусусан: “KDE Software Compilation 4” иш столи, “Autodesk Maya” уч ўлчовли графика таҳрирлагичи, “Skype” интернет – пейджери, “Adobe Photoshop Album” рақамли тасвирларга ишлов бериш дастури, “Google Earth” тармоқли дунё харитаси, “VLC media player” ва ҳ.к.
Шунингдек, Qt C++ дастурлаш воситасининг яна бир ижобий томони шундаки, у кроссплатформали ҳисобланади, яъни у ёрдамида яратилган дастуримиз деярли барча тизимларда (Windows, Mac OS X, Linux, UNIX, iOS, Android ва ҳ.к.) ишлай олади.
Qt Creator дастурлаш воситасининг умумий кўриниши қуйида келтирилган (3.1-расм).

3.1-расм. Qt Creator дастурлаш воситасининг умумий кўриниши.

Бизга маълумки, Qt Creator дастурлаш воситасида биз C/C++ дастурлаш тилининг операторларидан ҳамда модул-функцияларидан фойдаланмиз. Шу сабабли қуйида C/C++ дастурлаш тили ҳақида қисқача тўхталамиз.