Муҳаммад ал-хоразмий номидаги тошкент ахборот технологиялари университети самарқанд филиали «тасдиқлайман»

II.2. ТАТУ Самарқанд филиали “Компьютер тизимлари” кафедрасида фаолият юритаётган профессор-ўқитувчиларнинг илмий салоҳияти
2022 йилда «Компютер тизимлари» кафедрасида 25 нафар профессор-ўқитувчи, шундан асосий штатда 14 (14 шт.б) нафар ва тўлиқ бўлмаган штатлардаги ўриндошлик асосида 16 (5,5 шт.б) нафар ва ташқи ўриндошлик асосида 2 та (1 шт.б) нафар профессор-ўқитувчилар фаолият кўрсатиб келмоқда. Кафедрада асосий штатда 6 нафар доцент (6 ш.б.), 3 та катта ўқитувчи (3 ш.б.) ва 5 нафар ассистент (5 ш.б.)да фаолият олиб бормоқда. Асосий штат бўйича кафедра илмий салоҳияти 53% ни ва умумий ҳолда эса 43% ни ташкил этади.
Ўртача ёш асосий штатдагилар бўйича 42 ёшни, жами кафедра бўйича 41 ёшни ташкил этади. Кафедрада жами 21 та фандан дарслар олиб борилади.


II.3. Давлат илмий-техника дастурлари доирасида бажарилаётган илмий-тадқиқот ишларининг натижалари
Кафедра мудири Қ.А.Бекмуратов Ўзбекистон Республикаси Ахборот технологиялари ва коммуникацияларини ривожлантириш Вазирлиги ҳузуридаги “Рақамли технологиялар ва сунъий интеллектни ривожлантириш илмий-тадқиқот институти”да «ФЗ-20200929364-Ахборот хавфсизлигини таъминлаш тизимларида фойдаланувчиларни биометрик авторизациялашнинг интеграллашган технологиялари назарий асосларини яратиш» фундаментал грантида ўриндошлик асосида катта илмий ходим лавозимида ишлаб келмоқда. Шунингдек, кафедра катта ўқитувчиси Д.Қ.Бекмуратов «ФЗ-20200929308-Бўсағавий функцияларга асосланган таниб олиш усулларидан фойдаланиб катта ҳажмли маълумотларга таснифий ишлов беришнинг илмий асосларини ишлаб чиқиш» фундаментал грантида ўриндошлик асосида кичик илмий ходим лавозимида ишлаб келмоқда.
II.4. Иқтисодиётнинг тегишли соҳаларига оид корхона ва ташкилотлар билан ҳамкорликда бажарилаётган хўжалик шартномалари
Ҳисобот йилида кафедра профессор ўқитувчилари ва “Bex Sueno Travel” масъулияти чекланган жамияти ўртасида 4 000 000 (тўрт миллион) сўмлик хўжалик шартномаси имзоланди.
II.5. Чет эл грантлари бўйича бажарилган ишлар
Ҳисобот йилида чет эл грантлари мавжуд эмас.