Муаллифларнинг картография фанининг истиқболига тегишли фикр-мулоҳаза, истак ва тавсиялари ўз ифодасини топган. Рисола уч қисмдан иборат

 
Ассалому алайкум Исроилжон! 
Қўшалоқ байрамлар билан табриклайман. Сизга, оилангизга ва 
ёру-биродарларга 
сиҳат-саломатлик 
ва 
ишларингизга 
муваффақиятлар тилайман. 
Исроилжон! Шу хатни сизга олиб борувчи йигитимиз 
бухоролик. Президент маҳкамасида, фан бўлимининг бошлиғи Азиз 
Ворисов топшириғи билан “Таълим маркази” орқали 3 та 
вилоятнинг “Ўқув ўлкашунослик атласи”ни яратиш тараддудини 
кўраяпмиз. Шунинг учун Сиздан илтимос, Бухоро вилояти ва унинг 
туманларига тегишли статистик маълумотларни олишга ва 
вилоят табиий карталарини тузишга ўзингиз бош бўлиб, 
кафедрадошларни жалб қилсангиз. Бу иш Сизнинг кафедра 
номидан кетади. Ҳурмат ва илтимос билан Турғунбой Мирзалиев 

---

51 
Имзо 28.12.2006 йил 
Домланинг бу орзуси 2014 йилдагина бошқачароқ тарзда 
“Ўлкашунослик атласи. Бухоро вилояти” (58 бет) номи билан 
рўёбга чиқди.
 
¤ ¤ ¤ 
Профессор Турғунбой Мирзалиев бағрикенг, улуғ инсоний 
фазилатлар соҳибидир. Меҳр-оқибатли бўлиш устоз шахсига хос 
бўлган буюк туйғудир.
2006 йилнинг 30-31 январь кунлари биринчи ўзбек географ 
олими, география фанлари номзоди (1944), доцент (1945) 
Ўзбекистонда хизмат кўрсатган фан арбоби (1970), ТошДУ 
(ҳозирги ЎзМУ)нинг география факультетини 23 йил давомида 
(1945-1968) бошқарган Нўъмон Долимов таваллудининг 100 
йиллигига бағишланган Халқаро илмий-амалий конференция 
бўлиб ўтган эди. Ушбу анжуманнинг ялпи мажлисида Т.Мирзалиев 
кўпгина ўзбек зиёлилари учун қийин бўлган собиқ Иттифоқ – 
мустабид даврида салкам чорак аср давомида факультет декани 
лавозимида ишлаган ва миллий кадрларнинг униб-ўсишига 
раҳнамолик 
қилган 
устозлари 
ва 
ҳамкасблари 
Нўъмон 
Долимовнинг беназир хизматларини эслаб кўзларидан қатор-қатор 
ўкинч ёшлари томганининг гувоҳи бўлганман. География фани 
бўйича 
ҳимоя 
қилинган 
номзодлик 
ва 
докторлик 
диссертацияларида ёш географ олимларга домланинг оталарча 
панд-насиҳат ва истакларини кўп бора эшитганман. Устозга дунё 
тургунча бор бўлинг, деймиз, сизга шогирдлар таъзими, 
борингизга шукур!