Муаллифлар: Ходиев Б. Ю., Бегалов Б. А., Расулев Д. М., Абидов

Майдон - 
маълумотларни ташкил этишнинг оддий бирлиги бўлиб, 
ахборотнинг алоҳида, бўлинмас бирлиги бўлиши реквизитга мос 
келади. 
Маълумотлар- 
Ахборот истеъмолчига етиб боргунча бир қатор ўзгариш-
ларга учрайди. Оралиқ босқичларда хабарнинг моҳиятига кўра 
хусусияти иккинчи даражага тушиб қолади, натижада «ахборот» 
тушунчаси нисбатан чекланган «маълумотлар» тушунчаси билан 
алмаштирилади. Шунинг учун ҳам маълумотларни ахборотнинг 
компьютердаги тасвири деб айтиш мумкин. 
Маълумотлар базалари –
ўзаро боғланган маълумотлар, қоидалар тўплами 
бўлиб ташкил қилиниши маълумотлар билан иш олиб боришни, 
тасвирлашни ва сақлашнинг умумий тамойилларига асосланган 
бўлади. 
Маълумотлар модели - 
маълумотлар структуралари мажмуи ва улар устида 
олиб бориладиган амаллардир. Боғланишларнинг ўрнатилиш 
усулига кўра маълумотлар ўртасида иерархик, тармоқли ва 
реляцион моделлар мавжуд. 
Малумотларга ишлов бериш 
- бир хил турдаги структурали маълумотлар 
ёзувларини ажратиб олиш ва гурухлаш, саралаш, киритиш, 
сақлаш билан боғлиқ масалаларни ечишнинг махсус синфи 
ҳисобланади. Ушбу синф масалалари магазин ва омборлардаги 
товарлар ҳисобини юритишда, иш ҳақини ҳисоблашда, ишлаб 
чиқаришни, молияни, телекомуникацияни бошқаришда ечилади. 
 Меҳнат ресурслари – 
жамиятда ишлаш учун умумтаълим ва касбий 
билимга эга кишилар;
 Моддий ресурслар- 
жамият маҳсулотлари ишлаб чиқариш жараёнида 
фойдаланиш учун мўлжалланган меҳнат ва хом-ашёлари 
мажмуидир. Масалан, хом-ашё, материаллар, ёқилғи, энергия, 
ярим тайёр маҳсулотлар, деталлар ва ҳакозо
 
Мижоз (клиент) – 
вазифа, ишчи станция ёки компьютер тармоғидан 
фойдаланувчи. 

---

242