Ms excel jadval protsessori

Таблицаларни қуришнинг асосий қоидалари
Мicrosoft Ехсе1 дастурида таблицаларни қуриш ишчи саҳифада бажарилади. Ишчи саҳифа устун ва сатрларга бўлинган, бунда устун ва сатрларнинг кесишмаси бизга ячейкани беради ва маълумотлар айнан шу ячейкаларда жойлаштирилади. Ишчи саҳифа 256та устун ва 16384 та сатрдан иборатдир. Шундай қилиб, маълумотларни киритиш учун 4 194 304 та ячейкадан фойдаланиш мумкин.
Ҳар кунги ҳаётимизда биз таблицаларни кўп учратамиз. Уларни ҳарид чекида, акциялар курсини чоп этадиган рўзномаларда ва ҳоказоларда учратиш мумкин. Аммо уларнинг ҳаммаси ягона хусусиятга эга – улар бир хил қурилгандир.


Ишчи саҳифада маълумотларни силжитиш
Катта мураккаб таблицалар билан ишлашнинг тезлиги кўп маънода ишчи саҳифанинг ичида маълумотларни (маълумотларга эга ячейкаларни) силжитиш қай тарзда амалга оширилаётганига боғлиқ. Берилганларни силжитиш маълумотларни киритиш мумкин бўлган ячейка позициясини ўзгартириш йўли билан амалга оширилади (фаол ячейка рамка билан ажратилгандир). Янги ишчи китоб очилганда, унинг биринчи саҳифасидаги А1 ячейка фаол бўлади. Фаол ячейканинг манзили, бу манзил устун ва сатрнинг номлар кетма-кетлигидан иборат, ном майдонида – формулалар сатрининг чап қисмида жойлашгандир. Кейинчалик ячейка кўрсаткичи тушунчаси фаол ячейка маъносида ҳам ишлатилиши мумкин.
Ишчи китобда ҳамиша ячейканинг кўрсаткичи мавжуддир. Ячейкани фаоллаштириш учун унда сичқонча тугмасини босиш лозим (сичқонча кўрсаткичини ячейкага силжитиш етарли эмас. Ячейка фақатгина унда сичқонча тугмаси босилгандагина фаоллашади). Клавитура ёрдамида ячейка кўрсаткичини силжитиш учун курсорни бошқариш клавишаларидан фойдаланиш лозим.
Агарда фаоллаштирилиши лозим бўлган ячейка таблицанинг кўринмаётган қисмида жойлашган бўлса, у ҳолда силжитиш устунларидан фойдаланиш лозим. Силжитиш устунларидаги тугмачани керакли жойга суриб, керакли ячейкани фаоллаштирилади. Бу ишларни курсорни бошқариш клавишалари ёрдамида ҳам бажариш мумкин.
Page Up клавишаси ёрдамида таблицанининг кўринадиган қисмини бир экран юқорига, Page Down клавишаси ёрдамида эса пастга силжитиш мумкин. Alt + Page Down клавишалар комбинацияси босилганда нумерациялар ўсиши тартибида таблицанинг кўриниб турувчи қисми пастга сурилади.