Moodle тизимида электрон ўҚув курсларини яратиш

Глоссарий атамалар банкини яратишда, илғор амалий тажрибалар билан 
алмашиш мақсадида “Фойдали маслаҳатлар” рукнини ҳосил қилишда, фойдали 
тасвир, аудио ва видео сақлаш учун умумий соҳани ташкил қилишда, эслаб 
қолиш талаб қилинадиган фактларни текшириш учун ресурслар ҳосил қилишда 
қўлланилади.
Задание ўқув элементи ўқитувчига коммуникатив 
топшириқлар қўшиш, талабалар ишларини йиғиш, баҳолаш ва уларга шархлар 
бериш имкониятини яратади. Талабалар топшириқларга жавоб сифатида 
ихтиёрий форматдаги (Word ҳужжатлари, электрон жадваллар, тасвир, аудио 
ёки видео) файлларини бу элемент ёрдамида жўната олади. Альтернатив ёки 
қўшимча равишда ўқитувчи талабадан ўз жавобини тўғридан тўғри тизимнинг 
матн таҳрирлагичи ёрдамида киритишни талаб қилиши ҳам мумкин. 
Топшириқни баҳолашда ўқитувчи талаба жавобига изоҳ қолдириши, талаба 
жавобининг тўғриланган вариантини файл орқали бириктириб қўйиши ёки 
аудио-шархлар бериш имкониятига ҳам эга. Жавоблар баллар билан 
фойдаланувчи баҳолаш шкаласи бўйича баҳоланади. Жамланган балл эса 
баҳолаш журналига ўтказилади. 
Фаол элементлардан бири Лекция ўқитувчига назарий 
маълумотлар ва амалий топшириқларни қизиқарли ва қўлай шаклларда курсга 
жойлаштириш имконини беради. Ўқитувчи маърузаларини жойлашда 
ўргатувчи саҳифалар кетма-кетлигидан иборат чизиқли схемалардан 
фойдаланиши ёки ўқувчилар учун турли йўналиш ва вариантларни таклиф 
қилувчи дарахтсимон схемаларни яратиши мумкин. Ҳар қайси ҳолатда ҳам 
ўзаро таъсирни ошириш ёки ўқитувчини тушуниш даражасини назорат қилиш 
учун ўқитувчи турли хил (кўп танловли, мосликни танлаш, қисқа жавоб каби) 

---

36 
саволлардан фойдаланиш имкониятига эга. Талаба танлаган жавоб ёки 
стратегияга боғлиқ ҳолда талаба навбатдаги ёки олдинги саҳифага ўтишлари 
ёки бутунлай бошқа йўналиш бўйича белгиланган саҳифаларга ўтишлари 
мумкин. Маърузаларни ҳам баҳолаш мумкин ва баҳолар баҳолаш журналига 
ўтказилади. Лекция модулидан янги мавзуни мустақил ўзлаштиришда, 
моделлаштириш ёки қарор қабул қилиш бўйича сценарий ёки машқлар учун, 
олдинги саволларга жавоб билан боғлиқ ҳолатда турли саволлар тўпламини 
қўллаш каби назорат тизимларида фойдаланиш мумкин.
Опрос модули ўқитувчига сўровномалар, шу жумладан кўп 
танловли сўровномалар ташкил қилиш имконини беради. Бу модулда ўқитувчи 
битта ягона савол бериб, мумкин бўлган жавобларнинг кенг танловини таклиф 
қилади. Талабалар жавобидан кейинги сўров натижалари маълум бир 
белгиланган санада эълон қилиниши ёки умуман кўрсатилмаслиги, натижалар 
талабалар номидан ёки аноним тарзда эълон қилиниши мумкин. 
Сўровномалардан мавзуни танлашдаги тезкор овоз бериш сифатида, 
тушунчаларни тезкор аниқлаш мақсадида, қарор қабул қилишда (масалан, курс 
йўналишини танлашда) талабалар иштирокини таъминлаш каби мақсадларда 
қўлланилади.