Моляр концентрация

(4-ДТМ.)
1. 400 мл 0,5 молярли алюминий хлорид ва 300 мл 2 молярли натрий гидроксид эритмалари аралаштирилди. Аралашма орқали 3,36 л (н.ш.) водород хлорид ўтказилганда ҳосил бўлган чўкма массасини (г) топинг.
А) 3,9 В) 15,6 С) 11,7 Д) 5,4

2. 56 л (н.ш.) олтингугурт(IV) оксид калий гидроксиднинг 6,25 л 0,4 молярли эритмаси орқали ўтказилганда ҳосил бўлган тузнинг формуласини ва унинг массасини (г) аниқланг.

А) KHSO₃; 275 B) K₂SO₃; 395 C) KHSO₃; 300
D) K₂SO₃; 300

3. 2,4 молярли 200 мл калий гидросульфит ва 100 мл калий сульфит эритмалари аралаштирилди. Ушбу эритмага 100 мл калий гидроксид эритмаси қўшилганда, эритмадаги калий гидросульфит концентрацияси 1 моль/л гача камайди. Эритмага қўшилган калий гидроксид эритмасининг концентрациясини (моль/л) ҳисобланг.

А) 1,0 В) 0,8 С) 0,7 Д) 1,2

4. Таркибида HCI ва NaCI бўлган эритмани нейтраллаш учун 200 мл 0,5 М ли NaOH эритмаси сарфланди. Ҳосил бўлган эритма таркибидаги барча CI^- ионларини чўктириш учун эса 200 мл 2 молярли AgNO₃ эритмаси зарур бўлди. Дастлабки аралашма таркибидаги моддаларнинг моль нисбатини аниқланг.

А) 1:1 В) 1:3 С) 1:4 Д) 1:2

5. Темир билан реакцияда (қиздирилган) киришиш учун олинган 150 мл 15 молярли (ρ=1,7 г/мл) сульфат кислотадан 110 мл ортиб қолди. Реакция учун олинган темирнинг массасини (г) ҳисобланг.

А) 16,8 В) 11,2 С) 1,68 Д) 5,6

6. Сульфат кислотанинг 0,2 молярли эритмасидан 250 мл тайёрлаш учун унинг 0,8 М ли эритмасидан қанча ҳажм (мл) олиш керак?

А) 25,5 В) 50 С) 62,5 Д) 31,5