Moliyaviy yangiliklar

Xuddi shu davrda savdo va xizmatlar sohasidan tushumlar 27,5 foizga (24,7 trln so‘m) va bank xizmatlaridan naqd pul tushumlari 62,3 foizga (31,8 trln so‘m) oshdi.

O‘zbekistonda bank kartalari soni 32 milliontaga yaqinlashdi

• O‘zbekistonda 2022-yilning 1-oktabr holatiga ko‘ra, muomaladagi bank kartalari soni 31,8 milliontaga yetgan. Bu haqda “Daryo”ga Markaziy bank ma’lumotlaridan ma’lum bo‘ldi.
• Sentabr oyida kartalar soni yil boshidan beri eng ko‘p — 620 mingtaga keskin ko‘paygan. Bu O‘zbekiston bo‘yicha yangi o‘quv yili boshlangani bilan izohlanadi. Yil boshidan beri 4,7 mln dona bank kartasi muomalaga kiritilgan.
• O‘tgan oyda banklar va to‘lov tashkilotlari tomonidan o‘rnatilgan bankomat va infokiosklar soni 19,3 mingtani tashkil etgan.

Rossiya omborlaridagi gaz zaxirasi tarixiy maksimal darajaga yetdi

Rossiyaning yerosti omborlarida gaz hajmi rekord darajadagi 72,662 milliard kub metrga yetdi. Shu tariqa, Rossiya yerosti gaz omborlarining (UGS) kunlik unumdorligi bo‘yicha yangi rekord qayd etildi— 852,4 million kubometr

“Gazprom” UGS’larining yuqori zaxiralari va unumdorligi haroratning keskin pasayishi va iste’molning oshishi sharoitida omborlardan zarur gaz hajmini tezda oshirish imkonini beradi, — deyiladi kompaniya xabarida.

• 1-oktabr holatiga ko‘ra magistral gaz quvurlarining 669 km chiziqli qismi va 15 ta suv osti o‘tish liniyasi, 454 ta gaz nasos agregati va 104 ta gaz taqsimlash stansiyasi ta’mirlandi, deb xabar bermoqda “Gazprom”.

Rossiyaga qarshi sanksiyalar tufayli jahon neft bozorida “qayta tuzilish” o‘tkazilmoqda

Saudiya Arabistoni Rossiya neft oqimini Yevropadan Osiyoga, boshqa ishlab chiqaruvchilar esa teskari yo‘nalishga yo‘naltirayotgan vaziyatga moslashmoqda.

Saudi Aramco neft kompaniyasining bosh ijrochi direktori Amin Nosirning so‘zlariga ko‘ra, Rossiya o‘z neftiga tegishli chegirmalar bersa, uni turli bozorlarga joylashtirishi mumkin bo‘ladi.

Chegirmalar Rossiyaga neftni sug‘urtalash va tashish bilan bog‘liq, sanksiyalar tufayli yuzaga kelgan qiyinchiliklarni yengib o‘tishga imkon beradi, — deya tushuntirdi Nosir.

• Rossiya hamon Yevropaga eng yirik neft yetkazib beruvchi bo‘lib qolmoqda, biroq uning yetkazib berishdagi ulushi 21 foizga tushib ketdi. Bir yil avval esa u o‘rtacha 34 foizni tashkil qilardi.