Moliyaviy menejment

2-
 
bob bo’yicha xulosa 
Budjet mablag’laridan foydalanishning amaldagi holati tahliliga bag’ishlangan
2- bob bo’yicha quyidagi asosiy xulosalarga kelindi. 
1.
Aholini ijtimoiy himoyalashga qaratilgan birinchi darajali xarajatlarni o’z 
vaqtida amalga oshirishni ma’lum muddatlarga kechikishi holatlari 
kuzatilmoqda. Bundan tashqari hozirgi vaqtda mahalliy budjetlar tarkibida, 
respublikamiz aholisiga qaratilgan o’ta muhim ijtimoiy tadbirlar bo’lganligi 
uchun dolzarb masalalardan biri daromadlarning tushishi bilan xarajatlarini 
amalga oshirishi kerak bo’lgan vaqt o’rtasida nomutanosiblikni bartaraf 
etishdir. Bu muommolarni hal qilish yuzasidan maxsus davlat dasturi tuzib 
uni barcha hududlarga tadbiq etish va bu dastur ijrosi bajarilishi yuzasidan 
tegishli davlat organlari tezkor hisobotlarni talab qilib olib, bu hisobotlarni 
tahlil qilish va kamchiliklarni o’z vaqtida tezkorlik bilan bartaraf etishlari 
zarur. 
2.
G’aznachilikni joriy etish davlat moliyasini boshqarishning mavjud tizimini 
yanada takomillashtirishga ko’maklashdi. G’aznachilik muassasidan o’z 
vaqtida va muhim axbarot olinishi tufayli Moliya Vazirligi tomonidan moliya 
tizimi hamda iqtisodiyotdagi qisqa muddatli kundalik holatlarni tezkor 
aniqlashga yordam bergan holda, mamlakat budjetining ta’sirchan rolini 
kuchaytirdi. Bunday tizimda budjet bozorga doir ma’lumotlarga va yuzaga 
keladigan muommolarga manand ravishda munosabatda bo’lish, nomaqbul 
holatlarning oldini olish imkoniyatiga ega bo’ldi. Bundan tashqari, davlat 
budjetini samarali nazorat qilish va uning taqchilligini boshqarish 
ta’minlandi. 
3.
G’aznachilikda davlat budjetining o’z vaqtida va sifatli ijrosi uchun davlat 
budjeti daromadlarini kunlik kassa rejalashtirish mexanizmini joriy etish 
zarur. Buning asosida, davlat budjeti xarajatlarini to’lovini amalga oshirish 

---

65 
zarur bo’lgan mablag’larni kutilayotgan daromadlar tushumini e’tiborga olib, 
qo’shimcha resurslar miqdorini tezkor hisoblash mumkin. 
4.
G’aznachilik tizimida davlat budjeti xarajatlarini, birinchi navbatda, birinchi 
darajali xarajatlarini o’z vaqtida to’lanishini va kassali uzilishlar holatlarini 
oldini olish, bir territoriyaning majburiyatini ta’minlash uchun yo’naltirish 
yo’li bilan, markazlashgan tarzda turli darajadagi budjetlarin daromadlarni 
boshqarish mexanizmini joriy qilish mumkin.