Молиявий таҳлил ва уни ташкил этиш режа

МОЛИЯВИЙ ТАҲЛИЛ ВА УНИ ТАШКИЛ ЭТИШ
РЕЖА:
Кириш
1. Молиявий тахлилнинг фан сифатида шаклланиши ва унинг услубий асослари
2. Молиявий таҳлилнинг моҳияти ва турлари
3. Молиявий тахлилнинг субектлари ва тахлилни ташкил этиш
4. Молиявий таҳлилнинг аҳамияти ва ахборот манбалари
Хулоса
Фойдаланилган адабиётлар рўйхати

КИРИШ
Мустақиллик, бозор иқтисодиётига ўтиш жараёнида турли мулк шаклидаги корхоналар фаолиятига тўлиқ эркинлик берди. Айниқса, савдо-сотиққа нисбатан эркин муносабат юритиш, ҳамкорликда фаолият кўрсатиш учун шерик танлай билиш, ўзи ишлаб чиқарган маҳсулот ва уни сотишдан олган даромадга тўлиқ эгалик қилиш ҳуқуқини берди ва бу молиявий кўрсаткичларнинг ўзгаришига бевосита таъсир этади.
Янгича иш юритиш, жумладан, ташқи ва ички бозордан тажрибали мижоз ва ҳамроҳ танлаш билан бирга уларнинг молиявий имкониятларини ўрганиш зарурлигини кўрсатади.
Корхоналарнинг хўжалик фаолиятини таҳлил қилиш, уларнинг ишларини яхшилаш, самарадорлигини оширишнинг муҳим омили бўлиб келган ва шундай бўлиб қолади.
Хўжалик фаолиятини таҳлил қилиш корхоналарнинг ишлаб чиқариш, молиявий, меҳнат ресурсларидан оқилона фойдаланиш даражасини аниқлашга ёдам беради, фойдаланилмаган ресурсларни аниқлаб; корхоналарнинг келгусида ривожланиши, уларнинг молиявий ҳолатини яхшилаш учун зарур тавсияларни ишлаб чиқишга имкон беради.
Республикамиз иқтисодиётини бозор муносабатларига ўтказиш билан корхоналар хўжалик фаолиятини таҳлил қилишни аҳамияти янада ортди, чунки бозор муносабатлари шароитида ишлаб чиқаришга жорий этилмаган ресурсларни аниқлаш ва улардан самарали фойдаланиш долзарб муаммога айланади.
Бозор муносабатларининг шаклланиши, ривожланиши кўп укладли бозор иқтисодиётини барпо этиш, ҳар хил шаклдаги бизнесни ва ишби лармонликни ривожлантириш шунга олиб келадики, корхоналар фаолиятини молиявий натижалари – фойда ва рентабеллик корхоналар фаолиятини асосий кўрсаткичларига айланади.
Республикамиз бозор иқтисодиётига босқичма-босқич ўтаётган
бир шароитда, иқтисодиёт секторларининг узлуксиз фаолият юритиши ва барқарор ривожланиши муҳим ҳисобланади. Мустақил мамлакатимиз дастлабки йилларданоқ собиқ иттифоқ республикалари сингари режали ва марказлаштирилган иқтисодиётдан эркин бозор иқтисодиётига ўтиш учун қадам қўя бошлади. Мустақиллик йилларида республикамизда иқтисодий
ислоҳотларни ривожлантиришга катта эътибор қаратиб келинмоқда. Республикамиз бозор иқтисодиётига ўтишда ўзига хос ва мос бўлган босқичма-босқич ҳамда кучли ижтимоий муҳофаза қилиш йўлини танлади.