Молиявий таҳлил

Молиявий ҳисобот ана шу ҳисоботларга асосланган ёки улар билан боғлиқ бўлган изоҳлар, мўлжаллар ва тушунтиришларни ҳам ўз ичига олади. Бундай ахборот саноат ва жуғрофий ҳудудларнинг фаолият турлари тўғрисидаги молиявий ахборотни акс эттириши ва нархлар ўзгаришининг молиявий натижаларга таъсирини тушунтириб бериши керак.

Молиявий ҳисобот - инвестиция қарорлари, кредитлар беришга доир қарорларни қабул қилиш, субъектнинг бўлғуси пул оқимига баҳо бериш, унга ишониб топширилган ресурсларга муносабатига, мажбуриятларига баҳо бериш, раҳбар органларнинг ишига баҳо беришда муҳим манба ҳисобланади. Бу баҳо беришларни таҳлилсиз амалга оширшни тасаввур қилиш қийин.

Фойдаланувчилар пул маблағларини кўпайтириш қобилиятини яхшироқ баҳолайдилар, агар у хўжалик юритувчи субъектнинг молиявий аҳволи фаолиятини ва молиявий аҳволидаги ўзгаришларни акс эттирадиган ахборот билан таъминланган бўлса.

Хўжалик юритувчи субъектнинг келгусида пул маблағларини кўпайтириш, уларнинг кўпайиш вақтини аниқ ҳисоб-китоб қилиш ва натижага эришиш қобилиятини баҳолаш орқали бошқарув қарорларини сифатлиги албатта ахборотларнинг тўлиқлиги, ишончлиги, ҳаққонийлигига боғлиқдир. Ў навбатида ахборотларнинг тўлиқлиги, ишончлиги, хаққонийлиги таҳлил сифатини ҳам белгилаб берувчи бош омилдир.

Молиявий ҳисобот –ҳар битта корхонанинг ҳисоб сиёсатидан келиб чиққан ҳолда бухгалтерия ҳисобини юритиш ва молиявий ҳисобот тузиш учун қабул қиладиган усуллар ва уларнинг қоидалари ва асосларига мувофиқ равишда тузилади.

Молиявий ҳисобот хўжалик юритувчи субъект алоҳида мустақил хўжалик юритувчи субъектлиги ёки хўжалик юритувчи субъектларнинг жамланган гуруҳига киришидан қатъи назар шу хўжалик юритувчи субъектнинг маълум бир даврдаги фаолиятини кўрсатувчи молиявий ахборотни тақдим этиш усулидир.

Молиявий ҳисоботлар шунингдек, хўжалик юритувчи субъектнинг раҳбарияти томонидан ресурсларни бошқариш натижаларини кўрсатади.

Таҳлил фанининг “Аудит” фани билан боғлиқлиги.

Аудит- мустақил экспертлар, аудиторлар томонидан корхона молия-хўжалик фаолиятини текширишни англатади.Бунда нафақат текшириш балки корхонанинг иқтисодий, молиявий фаолиятини оптималлаштириш бўйича ҳам тавсиялар ишлаб чиқилади.