Молиявий ҳисоботларни халқаро стандартлар талаблари даражасида такомиллаштириш

“Халқаро молия ва ҳисоб” илмий журнали. № 3, июнь, 2021 йил. ISSN: 2181-1016 
7 
иш хақини ҳисоблаш, регламент, маълумотлар регистри ва ҳисоботлар акс 
эттирилган. 
Дастурдаги ҳисоботлар қуйидагиларга бўлинади: 
1. Стандарт ҳисоботлар - белгиланган созлашлар орқали бухгалтерия 
ҳисоби счётлари бўйича тахлилий ахборотларни олишга мўлжалланган; 
2. Регламент ҳисоботлари - солиқ органларига топшириладиган солиқ ва 
бухгалтерия ҳисоботлари ҳамда турли жамғармаларга тақдим этиш учун 
мўлжалланган ҳисоботлар. 
Бухгалтерия ҳисобини ташкил этиш пайтида амалий дастурлар 
пакетларини таснифлашда улар кичик, ўрта ва йирик хўжалик юритувчи 
субъектларга мўлжалланган тоифаларга ажратилади. Аксарият хўжалик 
юритувчи субъектлар дастурларни икки вариантда: маҳаллий ва тармоқли 
қилиб ишлаб чикаришади. Тармоқли вариантлар анча мураккаб ва қиммат 
бўлиб, “мижоз–сервер” технологиясини амалга оширишни, махсус 
ускуналар, ва операцион тизимларни ҳамда ҳисоблаш тармоғига хизмат 
кўрсатувчи мутахассислар штатини ташкиллаштиришни талаб қилади. 
Баъзан замонавий мутахасислар билан бирга иқтисодий йўналишдаги 
янги хўжалик юритувчи субъектни очиш асносида амалаий дастурлар 
пакетини танлаш бўйича муаммолар пайдо бўлади. Аниқроги, «SAP» 
(System 
Analysis and Program Development)
маъқулми ёки кўпчиликка таниш «1С» 
платформасини ўрнатиш керакми? деган савол туғилади. Танлов доим 
хўжалик юритувчи субъект раҳбарияти зиммасига тушади. Икки 
платформанинг ҳам афзалликлари билан бир қаторда камчиликлари ҳам бор. 
Барчага аёнки «1С» аввало бухгалтерия тизимидир. «SAP»эса менежмент 
тизими бўлиб, у бошқарув ҳисоби билан бирга молиявий ҳисобни ҳам қамраб 
олади, шунингдек у молиявий ҳисоботларни тузишнинг электронлашган-
автоматлашган тизими саналади. «1С» жуда кўп сонли бухгалтерлар эга 
бўлган арзон платформа, «SAP» эса, аксинча, қимматбаҳо немис 
платформасидир.