Молиявий ижара (лизинг) шартномаси

4. Мол-мулкка мулк ҳуқуқи ва фойдаланиш ҳуқуқи

4.1 Ушбу шартнома бўйича мол-мулкка нисбатан мулк ҳуқуқи ЛИЗИНГ БЕРУВЧИга ўтади. Бу ҳуқуқ маҳсулот етказиб берувчининг ЛИЗИНГ ОЛУВЧИ билан тижорат контрактининг барча шартларига риоя этилганлиги тўғрисида гувоҳлик берувчи Қабул қилиш далолатномасини ЛИЗИНГ БЕРУВЧИ олгандан кейин маҳсулот етказиб беурвчига мол-мулкнинг қиймати тўланган вақтдан бошлаб ЛИЗИНГ ОЛУВЧИга ўтади.

4.2 ЛИЗИНГ ОЛУВЧИ Қабул қилиш далолатномаси имзоланган санадан бошлаб мол-мулкнинг сақланишига жавобгарликни ва мол-мулкнинг ўғирланиши, бузилиши ва бошқалар натижасида нобуд бўлишини бартараф қилиш бўйича зарур чораларни қўллаш, ЛИЗИНГ БЕРУВЧИнинг мулк ҳуқуқини ўз ҳисобидан ҳимоя қилиш мажбуриятини олади.
4.3 Ушбу шартномага кўра молиявий лизингга берилган мол-мулкдан фойдаланишнинг мутлоқ ҳуқуқи, шу жумладан кўрсатилган мол-мулкдан фойдаланиш натижасида олинган маҳсулот ва даромадлар ЛИЗИНГ ОЛУВЧИнинг мутлоқ мулк ҳуқуқига тегишли бўлади.


5. Мол-мулкни суғурта қилиш

5.1 Мол-мулкни етказиб бериш жойига транспортда ташиб келишда унинг нобуд бўлиши, йўқолиши, бузилиши, ўғирланиши билан боғлиқ барча хавфлардан суғурта қилишни тарафлар келишувига асосан ҳал қилинади.

5.2 Мол-мулкнинг етказиб берилган вақтдан бошлаб нобуд бўлиши, йўқолиши, бузилиши, ўғирланиши, вақтидан олдин емирилиши билан боғлиқ барча хавфларни ЛИЗИНГ ОЛУВЧИ ўз зиммасига олади. У мол-мулкни етказиб берилган санасидан бошлаб ўн беш кун ичида ЛИЗИНГ БЕРУВЧИнинг фойдасига ўз ҳисобидан барча хавфлардан мол-мулкни суғурта қилиш мажбуриятини олади ва ўттиз кун ичида ЛИЗИНГ БЕРУВЧИга суғурта полисинини тақдим қилади.
5.3 Суғурта ҳодисаси рўй берганда ЛИЗИНГ ОЛУВЧИ қуйидаги тадбирларни қабул қилиш мажбуриятини олади:
а) ўз ҳисобидан ва ўз ихтиёри бўйича зарарланган мол-мулкни таъмирлаш;
б) агар мол-мулкни таъмирлаш мумкин бўлмаса, уни ЛИЗИНГ БЕРУВЧИга маъқул бўлган бошқасига алмаштириш;
в) ЛИЗИНГ БЕРУВЧИга лизинг тўловларини тўлаш бўйича барча қарзларни узиш, мол-мулкларнинг лизинг объектининг қолдиқ қийматини ва неустойкани тўлаш.