Moliya vazirligi tomonidan tasdiqlangan

ASOSIY VOSITALAR HARAKATI

TO’G’RISIDAGI HISOBOT
AV 05.10.2012 y. 474-1-son bilan ro’yxatga olingan MV Buyrug’iga muvofiq 86-band o’z kuchini yo’qotgan
86. Ushbu hisobot asosiy vositalarning harakati, asosiy vositalar eskirishini (amortizatsiyasini) hisoblab yozish to’g’risidagi qo’shimcha axborot hisoblanadi. Bu hisobotda ijaraga berilgan va ijaraga olingan asosiy vositalar to’g’risidagi axborot ham taqdim qilinadi.

PUL OQIMLARI TO’G’RISIDAGI HISOBOT
87. Xo’jalik yurituvchi subyekt "Pul oqimlari to’g’risidagi hisobot" BHMSga muvofiq ravishda pul oqimlari to’g’risidagi hisobotlarni taqdim etishga majbur.
88. "Pul oqimlari to’g’risidagi hisobot" deb nomlangan BHMS pul harakatiga oid hisobot taqdim etishni va unga taalluqli tushuntirishlarni berishni talab qiladi. Naqd pul oqimi to’g’risidagi axborot moliyaviy hisobotdan foydalanuvchilarga xo’jalik yurituvchi subyektning pul mablag’ini va pul ekvivalentlarini xo’jalik subyektining ehtiyojlariga yo’llash qobiliyatini baholash imkoniyatini taqdim etishda foydalidir.