Moliya vazirligi tomonidan tasdiqlangan

MOLIYAVIY HISOBOTLARNING ASOSIY

IDENTIFIKATSIYALASH REKVIZITLARI
57. Moliyaviy hisobotlar moliyaviy hisobotlarning bir xil shakllarida aniq identifikatsiyalanishi lozim.
58. Quyidagi axborotlar moliyaviy hisobotlarning iloji boricha har bir sahifasida to’la aks ettirilishi kerak:

58.1. Subyektning nomi, mulk shakli, yuridik manzili, kimga bo’ysunishi, subyektni aniqlash uchun identifikatsiyalash raqami va boshqa rekvizitlar;

58.2. Moliyaviy hisobotlar yakka korxonalarni yoki korxonalar guruhini o’z ichiga oladimi;

58.3. Hisobot tuzilgan vaqt yoki moliyaviy hisobotda qamrab olingan davr.

59. Taqdim etilgan hisobot axborotini to’g’ri tushunish uchun quyidagi rekvizitlar ham ochib ko’rsatilishi va zarur bo’lgan taqdirda takrorlanishi kerak:

59.1. Moliyaviy hisobotlar o’lchangan valyuta va agar bir necha valyutadan foydalanilgan bo’lsa, ular ifodalangan valyutalar;

59.2. Moliyaviy hisobotlarda raqamlarni ko’rsatish uchun foydalanilgan aniqlik darajasi, masalan, raqamlar minglar hisobida ko’rsatilganmi yoki millionlar hisobidami va hokazo.