Moliya va raqamli axborot texnologiyalari

3. Yagona portalda interaktiv xizmatlar olish. 
 
Yagona portal orqali interaktiv davlat xizmatlaridan foydalanish. 
Yagona 
interaktiv davlat xizmatlari portali (YAgona Portal, YAIDXP) fuqarolar va 
tadbirkorlarning davlat xizmatlaridan foydalanish va ular haqida eng zarur 
ma’lumotlardan foydalanishning yagona nuqtasidir. YAgona portal orqali 
foydalanuvchiga bir tomonlama va ikki tomonlama shakldagi interaktiv davlat 
xizmatlari, shuningdek davlat organlari tomonidan ko‘rsatiladigan tranzaksion 
xizmatlar ko‘rsatiladi. 
Yagona Portal xizmatlarining yangi talqinida barcha hizmatlar har bir shaxsga 
moslashtirilgan va ro‘yhatdan o‘tgandan so‘ng foydalanish imkonini beradi. Buning 
uchun xizmatlar shaxsiy kabinetlarga (fuqaro va tadbirkorlar) va guruhlarga 
taqsimlangan. 
 
Fuqarolar uchun davlat xizmatlari. 
Fuqaro kabinetiga kirib, onlayn tarzda 
soliq va kommunal xizmatlarida qarzlarning mavjudligi, yo‘l harakati qoidalari 
buzilishi haqidagi jarimalar, shaxsiy nafaqa va sug‘urta badallari to‘g‘risidagi 
ma’lumotlarni olish mumkin. Bundan tashqari, fuqarolar turli davlat xizmatlari 
uchun murojaat qilishlari mumkin, masalan: Ko‘chmas mulkni sotib olish va sotish 
bilan bog‘liq bitimlarni notarial tasdiqlash, turli guvohnomalar olish (sudlanganlik, 
maoshni tasdiqlash, ish staji va hokazo), bojxona va boshqa xizmatlar. Xizmat 
ko‘rsatish natijalariga ko‘ra, YIDXP orqali elektron hujjat (ma’lumotnoma, 
guvohnoma, xulosani va hokazo) shaklllantiriladi va repozitoriyga joylashtiriladi, 
bu orqali hujjatning qog‘oz nusxasi olish uchun idoralarga borishga hojat qolmaydi. 
10.4.-rasm. Fuqarolar uchun ommabop xizmatlar 
 
Tadbirkorlik uchun davlat xizmatlari. 
Tadbirkorning shaxsiy kabinetida 
soliqlar to‘g‘risidagi ma’lumotlarni ko‘rish va to‘lash, tekshirishlar haqida 
ma’lumot olish, shaxsiy jamg‘arib boriladigan penciya hisobvarag‘i hisobotini 
topshirish, olingan litsenziyalarning muddatini kuzatib borish va muddatini 
uzaytirish imkoniyati mavjud. 
Bundan tashqari YAgona portal orqali ko‘plab foydali va zarur ma’lumotlar ham 
berib boriladi. Masalan, mazkur portaldan notarial harakatlarning turlari va bunday 
harakatlarga to‘lanadigan davlat bojlari (1), Ichki ishlar organlarining Kirish-chiqish 
va fuqarolikni rasmiylashtirish boshqarmasi tomonidan ko‘rib chiqiladigan 

---

216 
huquqbuzarliklar va ular uchun qo‘yiladigan jarimalar miqdori (2), Yo‘l harakati 
qoidasi buzilishi yuzasidan belgilanadigan jarimalar miqdori (3), Davlat o‘rmon 
fondidan tashqari, daraxtlar va butalarni kesish uchun to‘lanadigan to‘lovlar miqdori 
va yashil o‘simliklarga etkazilgan zarar va ularni o‘zboshimchalik bilan kesganlik 
uchun jarima miqdorlari (4) bilan tanishish mumkin. 
Portalning eski talqinida ishonch telefonlari bo‘limi joy olgan bo‘lib, unda 19 ta 
ishonch telefoni keltirilgan. SHuningdek, portalda fuqarolar tomonidan so‘ralgan 
savollarga berilgan javoblarni o‘zida mujassam etgan “Ko‘p beriladigan 
savollar” bo‘limi hamda bo‘sh ish o‘rinlari ro‘yxati ham joy olgan.