«Молия» илмий журнали Ўзбекистон Республикаси Олий аттестация комис

3/2022
Иқтисодиёт тармоқлари
улгуржи ярмарка ва кўргазмаларнинг вазифалари тубдан ўзгариб бормоқда. 
Бу ўзгаришлар хизматлар фаолияти самарадорлигини реал тарзда оширишга 
йўналтирилгандир [9]. 
Хизмат кўрсатиш соҳасида ахборот оқимини моддий-техник асосини 
таъминлаш ўз таркибига телефон, телекс, факсимал алоқа, спутник алоқаси, 
компьютер марказларини қамраб олувчи ахборот ва алоқа воситаларини 
ташкил этади. Ахборот марказлари ва алоқанинг хизмат кўрсатиш соҳасини 
такомиллаштиришдаги хусусиятларидан бири, улар асосида ишлаб чиқарувчилар 
ва хизмат кўрсатувчилар ўртасида мустақил равишда алоҳида ахборот таъминотига 
эга бўлиш имкониятини юзага келтиради ҳамда уларнинг ахборотга эга бўлиши 
бўйича бир-бирига боғлиқлик бўлмайди. Бу, ўз навбатида, хизмат кўрсатувчи 
корхоналарнинг фаолияти самарадорлигини таъминлайди.
Хулоса ва таклифлар
Хизмат кўрсатиш бўйича ахборотларни тўплаш, қайта ишлаш ва уларни етказиб 
беришни такомиллаштиришдан келадиган самара транзакцион харажатларни 
камайтиришда, хизматлар кўрсатиш самарадорлигини оширишда, моддий-техник 
таъминотни яхшилашда, молиявий ресурслар айланишини жадаллаштиришда 
намоён бўлади. Шунинг учун, бизнингча, ҳозирги вақтда хизмат кўрсатиш 
соҳаси тармоқлари ҳақида ахборот ресурслари бўйича маълумотлар банкини 
яратиш, уларнинг базавий тўпламини ташкил этиш муҳим аҳамиятга эга бўлиб, 
соҳа ривожланишининг истиқбол имкониятларини тадқиқ этишда манба бўлиб 
ҳисобланади. 
Демак, хизмат кўрсатиш корхоналарида ходимлар фаолиятини ташкилий 
жиҳатдан таъминлаш уларни самарали бошқариш борасида биринчи даражали 
вазифа бўлиб қолмоқда. Шунингдек, хизмат кўрсатиш корхоналари самарадорлигини 
оширишда иқтисодий-ҳуқуқий инфратузилманинг ўрни беқиёс ҳисобланади. 
Шундай экан, хизмат кўрсатиш ходимлари фаолиятини ташкилий жиҳатдан 
таъминлашнинг асосий мақсади самарадорликка эришиш билан боғлиқ ижтимоий 
ва иқтисодий мақсадларга: рақобатбардош товар ва хизматлар ишлаб чиқариш 
ва сотишни амалга ошириш, ишчи кучини тиклаш учун корхоналарнинг мавжуд 
имкониятлари ва натижаларига фаол равишда таъсир этишдан иборат. Бунинг 
маъноси шуки, ходимлар фаолиятини ташкилий жиҳатдан таъминлаш бир томондан, 
олинадиган фойдани кўпайтиришга кўмаклашиши, иккинчи томондан эса меҳнатга 
қобилиятли жамоа ярата олиш имконини беради.
Хулоса қилиб айтганда, амалга оширилган таҳлил ва назарий тавсилотлар 
хизматлар кўрсатиш соҳасининг ташкилий-иқтисодий масалалар юзасидан
мамлакатимизда хизмат кўрсатиш корхоналарини ривожлантириш ва фаолият 
юритишининг асосий ташкилий-институционал тузилмаси сифатида тасарруф 
қилиш имконини беради. Лекин бозор алмашинуви назариясининг ўзи шундан 
иборатки, унда хизмат кўрсатувчи ишлаб чиқарувчилар учун хизмат кўрсатиш 

---

159