«Молия» илмий журнали Ўзбекистон Республикаси Олий аттестация комис

_____________________________________________________________________
Кириш
Жаҳон глобал пандемиясидан кейинги трансформацион шароитда иқтисодиётни 
инновацион ривожлантиришда хизмат кўрсатиш соҳасини ташкилий-иқтисодий 
жиҳатдан тўғри шакллантириш ва такомиллаштириш муҳим аҳамият касб этади. 

---

153
3/2022
Иқтисодиёт тармоқлари
Чунки, мазкур ҳолатда соҳани ривожланиши ташкилий жиҳатдан оптимал ва 
хизматлар бозори конъюнктурасига нисбатан эгилувчан бўлса, хизмат кўрсатиш 
сифати ва самарадорлиги шунчалик юқори бўлади. Яъни хизмат кўрсатиш соҳасида 
меҳнат фаолиятини ташкил этишни оқилона йўлга қўйиш миллий иқтисодиёт 
миқёсида бир қатор ижтимоий ва иқтисодий муаммоларни бартараф этишга хизмат 
қилади.
Таъкидлаш жоизки, замонавий цивилизация ривожланишининг муҳим хусусияти 
хизмат кўрсатиш соҳасини иқтисодиётнинг устун секторига айлантиришдан иборат. 
Жаҳон банки маълумотларига кўра, ҳозирги вақтда ривожланган мамлакатлар ялпи 
ички маҳсулотида тармоқнинг улуши 74 фоизни, ишлаётганларнинг умумий сонида 
70–75 фоизни ва корхоналарнинг умумий сонида 90–95 фоизни ташкил этади. 
Хусусан хизмат кўрсатиш ва сервис соҳасининг ривожланиш даражаси аҳолининг 
турмуш сифатини таъминлаш, иқтисодий ўсиш суръатларини жадаллаштиришнинг 
ҳал қилувчи омилига айланмоқда. Бу борада мамлакатимизда амалга оширилган 
ишлар ва эришилган натижаларга тўхталсак, “Ўзбекистонда 2021 йилда 18 трлн. 
сўмлик 29 мингта лойиҳа амалга оширилиб, хизматлар соҳаси 20 фоизга ўсганлиги 
қайд этилди” [1].
Шундай экан бугунги кунда республикамизда “хизмат кўрсатиш соҳасини 
жадал ривожлантириш, ялпи ички маҳсулотни шакллантиришда хизматлар ўрни 
ва улушини ошириш, кўрсатилаётган хизматлар таркибини, энг аввало, уларнинг 
замонавий юқори технологик турлари ҳисобига тубдан ўзгартириш” [2] долзарб 
масалалар қаторидан ўрин олганлиги бежиз эмас.