"Moliya" fanida mamlakatda alohida iqtisodiyot subyektining pul fondlari, shuningdek, ularni taqsimlash va qayta taqsimlash bilan bog’liq moliyaviy munosabatlarni tashkil etish, muvofiqlashtirish jarayonini o‘rganadi

I. “Moliya” fanini o‘rganishda mustaqil ta’limning ahamiyati
Mustaqil ta’lim soatlarida talabalar ma’ruza darsida “ochiq qolgan”
savollarga mustaqil ravishda tayyorlanishlari va amaliyot darslariga tayyorlanishlari lozim bo‘ladi. Bunda talabalarda mustaqil fikrlash va mustaqil o‘zlashtirishga ko‘nikma hosil qilish imkoniyati yuzaga keladi.
Yana bir ijobiy tomoni shundan iboratki, talabalarning o‘zlashtirish darajasi yuqori bo‘ladi. Ular mavzularni puxtaroq o‘rganishga harakat qiladilar va buning uchun reyting tizimi talablariga javob bergan holda “ballar” to‘plash imoniyatiga ega bo‘ladilar.
Talabalarning mustaqil ta’lim olishdagi vazifalari quyidagilardan iborat bo‘ladi:
- mavzuni o‘rganishda mustaqil o‘zlashtirish ko‘nikmalarini hosil qilish;
- mavzuga oid ma’lumotlarni, me’yoriy hujjatlarni izlab topish va ulardan foydalanish;
- axborot texnologiyalaridan samarali foydalanish;
- elektron o‘quv adabiyotlar va ma’lumotlar banki bilan ishlash;
- internet tarmog’idan samarali foydalanish;
- topshiriqlarni o‘z vaqtida va talab darajasida bajarish;
- o‘rganilgan ma’lumotlarni tahlil qilish;
- topshiriqlarni bajarishga tizimli va ijodiy yondashish;
- qilingan ishlarni muhokama qilish va yanada yaxshi natijalarga erishish uchun harakat qilish.
Mustaqil ta’limni joriy etishning yana bir afzalligi shundan iboratki, bu jarayon keyinchalik talabalarni ilmiy, tadqiqot ishlarini olib borishlariga zamin yaratadi.