Молия / Бюджет. Бюджетдан ташқари жамғармалар]

I. Умумий қоидалар
1. Бюджет таснифи Давлат бюджети ва давлат мақсадли жамғармалари бюджетларидан маблағ олувчи ташкилотларга қўлланилади ҳамда Давлат бюджети ва давлат мақсадли жамғармалари бюджетларини тузиш, кўриб чиқиш, қабул қилиш ва ижро қилиш, шунингдек Давлат бюджети ва давлат мақсадли жамғармалари бюджетлари ижроси тўғрисидаги ҳисоботларни тайёрлаш мақсадида фойдаланилади.
Олдинги таҳрирга қаранг.
2. Бюджет таснифи бюджет тизими бюджетларининг даромадлари ва харажатларини, шунингдек Давлат бюджети тақчиллигини қоплаш манбаларининг гуруҳланиши бўлиб, қуйидагиларни ўз ичига олади:
бюджет тизими бюджетлари даромадларининг таснифи;
бюджет тизими бюджетлари харажатларининг таснифи;
Давлат бюджети тақчиллигини қоплаш манбалари таснифи.
Бюджет таснифи бюджет тизими бюджетларини шакллантириш, тузиш ҳамда ижро этишни тизимлаштириш учун фойдаланилади ва у бюджет маълумотлари халқаро тасниф тизимларининг айнан шундай маълумотлари билан қиёсланишини таъминлайди.
(2-банд Ўзбекистон Республикаси молия вазирининг 2014 йил 20 февралдаги 11-сонли буйруғи (рўйхат рақами 2146-3, 17.03.2014 й.) таҳририда — ЎР ҚҲТ, 2014 й., 12-сон, 140-модда)
Олдинги таҳрирга қаранг.
3. Бюджет таснифининг асосий принциплари қуйидагилар ҳисобланади:
(3-банднинг биринчи хатбошиси Ўзбекистон Республикаси молия вазирининг 2014 йил 20 февралдаги 11-сонли буйруғи (рўйхат рақами 2146-3, 17.03.2014 й.) таҳририда — ЎР ҚҲТ, 2014 й., 12-сон, 140-модда)
тўлиқлилик — бюджет таснифи бюджет жараёнининг барча иштирокчиларини қамраб олиши шарт;
Олдинги таҳрирга қаранг.
ягоналик — бюджет таснифи бюджет жараёнининг барча иштирокчилари томонидан ягона бюджет таснифи қўлланилиши шарт;
(3-банднинг учинчи хатбошиси Ўзбекистон Республикаси молия вазирининг 2014 йил 20 февралдаги 11-сонли буйруғи (рўйхат рақами 2146-3, 17.03.2014 й.) таҳририда — ЎР ҚҲТ, 2014 й., 12-сон, 140-модда)
ўзаро мувофиқлик — бюджет таснифининг кодлари бир вақтнинг ўзида бюджет жараёнининг ҳар хил операцияларини акс эттириш учун қўлланилмаслиги керак, яъни бюджет таснифининг ҳар бир коди ўзига хос бўлиши шарт.