Модуль номи: Фуқаролик ҳуқуқи

Муҳокама қилинг.
	Аккредитивлар ҳисоб-китобларнинг энг ишончли турларидан биридир. Бу ишончлилик ўзига ҳос ҳуқуқий воситалар орқали таъминланади ва маблағларни олиш учун жуда қулай ҳисобланади. Бироқ аккредитивлар бўйича ҳисоб-китоб қилишнинг тарафлар учун ноқулай жиҳатлари ҳам мавжуд. Муҳокама қилинг.
	Кўпчилик ҳолатда инкассо бўйича хисоб-китоб қилиш маъмурий-ҳуқуқий, яъни давлат мажбурлови асосида амалга ошириладиган тўлов тури деб ҳисобланади. Бироқ ҳисоб-китобнинг бу тури фуқаролик ҳуқуқий муносабатларда ҳам қўлланилади. Муҳокама қилинг.
	Топшириқ шартномаси бўйича вакил юридик ҳаракатларни амалга оширади, бироқ амалиётда вакилнинг фактик тусдаги ҳаракатларни амалга ошириши ҳам кузатилади, бу ҳолат топшириқ шартномасининг моҳиятига зиддек туюлади. Муҳокама қилинг.
	Топшириқ берувчининг кўрсатмалари доирасида қонунчилик аниқ мезонларни белгилаган. Лекин, бу мезонларни тадбиқ этиш борасида муайян қоидалар назарда тутилмаган. Бу эса турли тушунмовчиликларни юзага келтириши мумкин. Топшириқ берувчининг кўрсатмаларига нисбатан ҳалоллик ва оқиланалик мезонлари қўлланишини муҳокама қилинг.
	Шахсий характер касб этадиган шартномалар тизимида воситачилик шартномаси ўзига хос ўринга эга бўлиб, бунда воситачи ўз номидан ҳуқуқий муносабатга киришади. Бироқ, воситачининг ҳаракатлари доираси чекланганлиги ҳамда учинчи шахс билан бўлган муносабатлардаги жавобгарлик масаласи қонунчиликда чалкаш ифодаланган.