Модуль номи: Фуқаролик ҳуқуқи

Муҳокама қилинг.
	Икки қисмли омбор гувоҳномаси бўйича гаров гувоҳномасидан ажратилган омбор гувоҳномасини сақловчи товарни тасарруф этишга ҳақли. Бироқ, айрим истисноларга риоя қилинади. Муҳокама қилинг.
	Мулкий суғурта ва шахсий суғурта шартномасининг муҳим шартлари бир-биридан кескин фарқ қилмаслиги мумкин. Масалан, суғурта пули, суғурта мукофоти тўғрисидаги шартлар ҳар иккала суғурта шартномасида ҳам мавжуд. Муҳокама қилинг.
	Қоидага кўра, мол-мулкни суғурталаш шартномаси тузилаётганида суғурталовчи суғурта қилинаётган мол-мулкнинг ҳақиқий қийматини белгилаш мақсадида баҳолашдан ўтказишни ташкил этишга ҳақли. Бироқ, қонунчиликка кўра, баҳолаш фаолияти алоҳида лицензияланадиган фаолият тури бўлиб ҳисобланади. Муҳокама қилинг.
	Суғурта сирини бузганлик учун суғурталовчи бузилган ҳуқуқларнинг тури ва бузиш хусусиятига қараб жавобгар бўлади. Бунда одатда, шартномавий жавобгарлик юзага келади. Маънавий зарарни қоплаш бўйича жавобгарликни қўллаб бўлмайди. Муҳокама қилинг.
	Транспорт воситалари эгаларининг фуқаролик жавобгарлигини суғурта қилиш мол-мулк суғуртасининг бир кўриниши ҳисобанади. Иш берувчининг фуқаролик жавобгарлигини суғурта қилиш эса, фуқаролик жавобгарлигини суғурталаш шартномаси ҳисобланади. Муҳокама қилинг.
	Суғурта мукофоти суғурта қилдирувчи суғурта шартномасида белгиланган тартибда ва муддатларда суғурталовчига тўлаши шарт бўлган суғурта ҳақи тушунилади. Ушбу ҳақ кейинчалик мукофот сифатида суғурта қилувчига тўланади.