модул Ўзбекистон республикаси

компетенцияларига эга бўлиши лозим.


Модулни ташкил этиш ва ўтказиш бўйича тавсиялар

Машғулотларни ўтказиш методикаси модулидан машғулотлар назарий ва амалий шаклда олиб борилади.

Назарий машғулотларда турли методикаларни қўллаш технологияси, машғулот ишланмаларига қўйилган талаблар, машғулотларнинг фаолият турлари бўйича ўзига хос хусусиятлари ва уни ўқитиш методикаси ҳақида маълумотлар берилади.

Амалий машғулотларда тингловчиларга машғулот ишланмаларини

тузиш, тарбияланувчиларнинг ўзлаштиришини назорат қилиш, машғулотларни кузатиш ва таҳлил этишга ўргатилади.

Машғулотларда техник воситалардан, тест сўровлари, назорат саволлари, топшириқлар, гуруҳли фикрлаш, кичик гуруҳлар билан ишлаш ва бошқа интерфаол таълим усулларидан фойдаланиш назарда тутилади.

Модулнинг ўқув режадаги бошқа модуллар билан боғлиқлиги ва


узвийлиги

Модул мазмуни ўқув режадаги “Таълим-тарбия технологиялари ва жаҳон тажрибаси”, “Таълим жараёнида педагогик дастурий воситалар”, “Мактабгача ёшдаги болалар физиологияси ва гигиенаси асослари”, “Мактабгача ёшдаги болаларнинг ёш ва психологик хусусиятлари” ўқув модуллари билан узвий боғланган ҳолда тарбиячиларнинг касбий педагогик тайёргарлик даражасини орттиришга хизмат қилади.

Модулнинг услубий жиҳатдан узвий кетма-кетлиги

Мазкур модул “Ўзбекистон таълим-тарбия жараёнларининг ҳуқуқий-меъёрий асослари”, “Таълим-тарбия технологиялари ва педагогик маҳорат” ва “Мактабгача ёшдаги болаларнинг физиологик ва психологик хусусиятлари” блокларидан кейин ўрганилади. Унда юқоридаги блокларда ўрганилган мазмун йўналишлари ва услубий жиҳатларини мактабгача таълимга татбиқ этиш имкониятлари очиб берилади.

Модулнинг таълимдаги ўрни

Тингловчиларга мактабгача таълимда машғулотларни ўтказиш

методикасини ўргатиш ҳамда амалда қўллаш кўникмаларини шакллантириш орқали таълим самарадорлигини таъминлашдан иборат.