MmO‘zbekiston respublikasi

BAKALAVR BARCHA TA’LIM YO‘NALISHLARI BO‘YICHA MASHG‘ULOTLARDA FOYDALANISH HAMDA MAVZULARNI MUSTAQIL O‘RGANISH UCHUN IXTISOSLIKKA OID TOPSHIRIQ VA MATNLAR TO‘PLAMI


MUSTAQIL O‘ZBEKISTON
XX asrning oxirida Vatanimiz tarixida yangi davr boshlandi. 1991-yil 31-avgustda Respublika Oliy Kengashining navbatdan tashqari 6 sessiyasida Mustaqil O‘zbekiston respublikasi tashkil etilganligini e’lon qildi.
1-sentabr – O‘zbekiston Respublikasining Mustaqillik kuni deb belgilandi. Xalqimizning asriy orzusi, o‘z taqdirini o‘zi belgilash huquqi ro‘yobga chiqdi va siyosiy qaramlikdan qutildi. Dunyo xaritasida yana bitta mustaqil, to‘la huquqli, suveren davlat – O‘zbekiston respublikasi paydo bo‘ldi. O‘zbekiston respublikasining barcha fuqarolari har yili 1-sentabrda o‘z yurtining Mustaqillik kunini tantanali ravishda nishonlaydilar.
Bugungi o‘zbek xalqi o‘zining ko‘p asrlik boy tarixiga ega.
Amir Temur, Ulug‘bek, Bobur kabi donishmand hukmdorlar hokimiyatni boshqargan zamonlarda o‘zbek davlatchiligi yuqori bosqichga ko‘tarilgan davr bo‘lgan. Bunday buyuk siymolar hukmdorligi davrida ilm-fan, madaniyat, ma’rifat va hunarmandchilik rivojlangan. Bizning ajdodlarimiz butun dunyo taraqqiyotiga asrlar davomida nihoyatda katta hissa qo‘shgan. Muqaddas yurtimiz orqali o‘tgan Buyuk ipak yo‘li esa Osiyo va Yevropadagi xalqlar va mamlakatlarni bir-biriga bog‘lab, hozirgi xalqaro hamkorlikning o‘sha zamonlardagi timsoli bo‘lib xizmat qilgan.
Mustaqil O‘zbekiston Respublikasi uchun navbatdagi ulkan tarixiy voqea 1992 yilning 2 martida sodir bo‘ldi – 1945 yilda tashkil topgan Birlashgan Millatlar Tashkiloti Respublikamizni o‘zining tarkibiga qabul qilganligi haqida qaror qabul qildi.
Juda boy tabiiy resurslarga, katta iqtisodiy imkoniyatlarga ega bo‘lgan O‘zbekiston Respublikasi Mustaqillik e’lon qilinganidan keyin tabiiy boyliklarini o‘zgalarning zug‘umisiz ijtimoiy-iqtisodiy rivojlantirish va aholi turmush darajasini oshirish yo‘lida xizmat qildirishga haqli bo‘ldi.