Mirzo Ulug’bek nomidagi

Prolaktin gormoni oshganligi alomatlari qanday?

• Prolaktin gormoni oshganligi alomatlari qanday?
• 1. Hayz sikli yo'qligi yoki nomuntazamligi; 2. Yaqin oraliqda homilador bo'lmagan va bolani emizmagan ayol ko'kragidan biron suyuqlik ajralishi - bu holat galaktoreya deb ataladi; 3. Bepushtlik.

Qanday qilib prolaktin darajasi bepushtlikka ta'sir ko'rsatadi? 1. Prolactin ovulyasiyani to'xtatib turishi mumkin. Bunda ayolning hayz sikli buziladi. Juda kam hollarda prolaktinning keskin oshib ketishi ovulyasiyani butunlay yo'q bo'lishiga olib keladi. 2. Prolaktin oshishi tufayli ayolda ovulyasiya bo'lgani bilan homiladorlik uchun muhim bo'lgan gormon progesteron yetishmovchiligi yuzaga keladi. Bu esa urug'langan ayol tuxumi devori yetarlicha qalinlasha olmagan bachadonga o'rnasha olmasligiga olib keladi va homiladorlik yuz bermaydi. Bunda ko'pincha ayolda hayz sikli juda qisqa bo'lishi kuzatiladi.

Prolaktin oshishiga nima sabab bo'ladi?

• Prolaktin oshishiga nima sabab bo'ladi?
• Gipofizdagi adenoma. Gipofizda o'simta (kista) paydo bo'lishi uni prolaktin gormonini ko'proq ishlab chiqarishiga olib keladi. Bu adenomalarning razmeriga qarab ular dori vositasi bilan yoki katta bo'lgan holda jarrohlik yo'li bilan olib tashlanadi. Adenomaning razmeri 1 smdan yuqori bo'lsa, uni nafaqat homilador bo'lish uchun balki ayol salomatligiga zarar keltirishi mumkinligi tufayli ham olib tashlash muhim.
• Gipotiroidizm. Qalqonsimon bezning faoliyati buzilishi prolaktin oshishiga olib kelishi mumkin. Chunki gipofizdagi gormon qalqonsimon bez faoliyatini yaxshilash uchun ko'proq ishlaydi, natijada prolaktin gormonini ham ko'paytirib yuboradi. Bu holatda qalqonsimon bez davolansa, prolaktin darajasi o'zi normaga tushadi.
• Polikistik tuxum sindromi. Bu kasallik o'z-o'zidan bepushtlikka olib keladi. Chunki u tufayli ayol organizmida ovulyasiya sodir bo'lmaydi. Bu holat prolaktin darajasini oshishiga ta'sir ko'rsatadi.
• Dorilar. Ba'zi turdagi dori vositalari ham prolaktin oshishiga olib kelishi mumkin:
• Antidepressantlar; Estrogen; Homiladorlikdan saqlovchi gormon vositalari; Qon bosimini oshishiga qarshi ba'zi vositalar; Ko'ngil aynashga qarshi vositalar; Anatsidlar.
• Stress. Kuchli jismoniy stress hatto uyqusizlik ham prolaktin gormoni oshishiga olib kelishi mumkin.