Mirzo ulug`bek nomidagi o`zbekiston milliy universiteti jizzax filiali

Modul quyidagilarni xarakterlaydi:

- bir kirish va bir chiqish — dasturiy modul kirishda ma`lum bir boshlang’ich ma`lumotlar to’plamini qabul qiladi, ichki qayta ishlashni bajaradi va bitta natijaviy ma`lumotlar to’plamini hosil qiladi, ya`ni IPO (Input — Process — Output) — kirish-jarayon-chiqish standart tamoyilini amalga oshiradi;

- funksional tugallanganlik — modul boshlangan qayta ishlashni tugatish uchun yetarli bo’lgan alohida funksiyalarning har birini amalga oshirish uchun keltirilgan amallar ro’yxatini bajaradi;

- mantiqiy mustaqillik — dasturiy modul ishining natijasi faqat boshlang’ich ma`lumotlarga bog’liq bo’ladi, lekin boshqa modullarning ishiga bog’liq bo’lmaydi;

- boshqa dasturiy modullar bilan kuchsiz informatsion aloqasi – modullar o’rtasida axborot almashish imkoni boricha minimallashtirilishi lozim;

- dasturiy elementlarning o’lchami va murakkabligi bo’yicha yaqqolligi.

Shunday qilib, modul ma`lumotlarni qayta ishlash uchun zarur bo’lgan qoidalarni, ma`lumotlarni qayta ishlash amallarini, boshqa modullar bilan o’zaro bog’lanish sxemasini o’z ichiga oladi.

Xar bir modul o’z tasnifiga va tanasiga ega. Tasnif moduldan foydalanish qoidalarini aniqlaydi, tana esa qayta ishlash jarayonini amalga oshirish usulidir.