Мирзо Улуғбек номидаги Ўзбекистон Миллий Университети Тарих факультети “Ўзбекистон тарихи” кафедраси Мавзу: Ўзбекистон ва жаҳонҳамжамияти Барча номутахассис йўналишлар талабалари учун

1991 йил декабрдан 1992 йил июль ойигача бўлган давр ичида республикани 111 давлат, 2015 йилга қадар эса Ўзбекистон мустақиллигини 180 дан ортиқ давлат тан олди. 2018 йилга келиб, уларнинг 134 таси билан дипломатик, сиёсий, иқтисодий, илмий-техникавий ва маданий алоқалар ўрнатилди. Шунингдек, Ўзбекистонда 88 та хорижий мамлакатлар ва халқаро ташкилотларнинг, 24 та ҳукуматлараро ва 13 та ноҳукумат ташкилотларнинг ваколатхоналари фаолият кўрсатмоқда.

1991 йил декабрдан 1992 йил июль ойигача бўлган давр ичида республикани 111 давлат, 2015 йилга қадар эса Ўзбекистон мустақиллигини 180 дан ортиқ давлат тан олди. 2018 йилга келиб, уларнинг 134 таси билан дипломатик, сиёсий, иқтисодий, илмий-техникавий ва маданий алоқалар ўрнатилди. Шунингдек, Ўзбекистонда 88 та хорижий мамлакатлар ва халқаро ташкилотларнинг, 24 та ҳукуматлараро ва 13 та ноҳукумат ташкилотларнинг ваколатхоналари фаолият кўрсатмоқда.

1992 йил 2 мартда Ўзбекистон халқаро муносабатларнинг тўла ҳуқуқли субъекти сифатида Бирлашган Миллатлар Ташкилотига аъзо бўлиб дунё миқёсида тан олинди. Шу йил Европа хавфсизлик ва ҳамкорлик ташкилоти билан Ўзбекистон ўртасидаги алоқалар ҳам бошланди. Натижада ЕХҲТнинг Марказий Осиё билан алоқалари бўйича Бюроси минтақада барқарорликни таъминлаш мақсадида минтақадаги республикалар билан ҳамкорликни кучайтириб бормоқда. 1993 йил Бирлашган Миллатлар Ташкилоти Бош Ассамблеясининг 48-сессиясидаги маърузасида Ўзбекистон Республикаси Биринчи Президенти И.А.Каримовнинг илгари сурган биринчи халқаро ташаббуси Ўзбекистоннинг халқаро миқёсдаги адолатпарвар сиёсатидан дарак берди. 1994 йил июль ойида Ўзбекистон НАТОнинг “Тинчлик йўлидаги ҳамкорлик” Дастурига қўшилди.

Ўзбекистон Республикаси Биринчи Президенти И.А.Каримов 1995 йил БМТнинг эллик йиллиги муносабати билан Бош Ассамблеянинг махсус тантанали йиғилишида сўзлаган нутқида ҳам асосий эътиборни бу ташкилотнинг фаолиятини янада кенгайтириш билан бир қаторда яна минтақавий хавфсизлик ва барқарорлик, экстремизм, терроризм, наркобизнесга қарши кураш масалаларига қаратди.