Мирзо улуғбек номидаги ўзбекистон миллий университети ижтимоий иш кафедраси Социология йўналиши 3- курс сиртқи таълим

Тадқиқотнинг мақсади халқ билан мулоқот қилиш жараёни самарадорлигини оширишда ижтимоий ҳамжиҳатлик тамойилларини тизимли социологик тадқиқ этиш ҳамда жамиятимизда ижтимоий ҳамжиҳатлик тамойиллари янада барқарорлашувига оид таклиф ва тавсиялар ишлаб чиқишдан иборатдир.
Тадқиқотнинг вазифалари:
“Ижтимоий ҳамжиҳатлик» тушунчасининг илмий таърифи, мазмуни ва таркибини тавсифлаш;
ижтимоий ҳамжиҳатлик феноменини социологик категория сифатида махсус тавсифлаш;
халқ билан мулоқот қилишда ижтимоий ҳамжиҳатлик тамойилларига амал қилишнинг реал ҳолатини социологик ўрганиш;
жамият ҳаётида ижтимоий ҳамжиҳатликни амалга ошириш йўлларини социологик тадқиқ этиш;
давлат органлари фаолиятида ижтимоий ҳамжиҳатлик тамойилларини қўллаб-қувватлаш ҳолатини баҳолаш;
халқ билан мулоқотнинг барқарор ривожланишида ижтимоий ҳамжиҳатлик тамойилларининг аҳамиятлилик даражасини аниқлаш;
ижтимоий ҳамжиҳатлик тамойилларини янада такомиллаштириш имкониятларини ёритиш;
ижтимоий ҳамжиҳатлик тамойиллари орқали халқ билан мулоқот самарадорлигини ошириш бўйича илмий-амалий тавсиялар ишлаб чиқиш.
Тадқиқотнинг объекти халқ билан мулоқот қилиш жараёнларида ижтимоий ҳамжиҳатлик тамойилларига таяниш ҳолати.
Тадқиқотнинг предмети ижтимоий ҳамжиҳатлик ҳодисасининг халқ билан мулоқот самарадорлигини оширишдаги позитив таъсирини тизимли тадқиқ этишдан иборат.

Тадқиқот фарази.

Мавзуни назарий жиҳатдан ўрганиш ҳамда шахсий кузатишлар асосида қуйидаги илмий фараз илгари сурилди:
Халқ билан мулоқот қилишда ижтимоий ҳамжиҳатлик тамойилларининг социологик таҳлили асосида олинган натижалар ушбу йўналишдаги методологик-услубий ёндашувларни такомиллаштиришда фойдаланиш билан изоҳланади. Шунингдек, ижтимоий ҳамжиҳатлик тамойилларини аҳолининг турли қатламлари, давлат ва фуқаролик жамияти институтлари томонидан қўллаб-қувватлаш ҳамда такомиллаштиришга бағишланган мақсадли давлат дастурларини ишлаб чиқишга хизмат қилади.
Ижтимоий ҳамжиҳатлилик тамойиллари контентида феноменал (маънавий-руҳий) ва нофеноменал (моддий) омилларининг уйғунлашганлиги кўп томонли социологик тизимни шакллантириш, халқ билан мулоқот қилишда ижтимоий ҳамжиҳатликнинг кафолатли тинчлик ва барқарорлик, ижтимоий эркинлик, тамойиллари жамиятда корпоратив ҳамкорликни вужудга келтириш, тизимли социологик ёндашувлар асосида ижтимоий ҳамжиҳатлилик тамойилларининг ривожлантиришда интегратив, рационал-прагматик, маънавий-аксиологик ёндашувлар мутаносиблигини таъминлаш зарурати ҳисобланади.
Бирламчи маълуотлар ўтказиш усули: Олиб бориладиган тадқиқот миқдорий аҳамият касб этиб, анкета сўрови ҳамда эксперст баҳолаш усуллари ёрдамида ўтказилади.