Mirtemir hayoti va ijodi

Mirtemir (1910 - 1978) Oʻzbek she'riyati taraqqiyotida oʻziga xos oʻrin tutgan shoir Mirtemir Tursunov 1910 yilning 10 mayida Turkiston shahri yaqinidagi

Iqon qishlogʻida tugʻildi. Oʻn bir yoshida qishlogʻidan 

Toshkentga

 keldi va Almaiy nomidagi maktabda tahsil koʻrdi. 1925 yilda oʻzbek erlar bilim yurtiga

kirib, uni 1929 yilda tugatdi. 1929 yilda 

Samarqanddagi

pedakademiyaga oʻqishga kirdi. 30-yillar boshida Mirtemir sud qilinib, qamoq muddatini mashhur

Belomorkanal qurilishida oʻtadi. Shoir ozod etilgach, turli oʻquv muassasalarida oʻqituvchi, teatrlarda emakdosh, radio va nashriyot tahririyatlarida muharrir

boʻlib ishladi. 1978 yil 23 yanvar kuni vafot etdi.

Mirtemir she'riyatga butun hayotini baxshida etgan samimiy ijodkor edi. Shuning uchun ham rost soʻz, chin tuygʻu qatagʻon qilingan zamonda ham

koʻngli buyurganini she'rga solishning uddasidan chiqdi. U milliy she'riyatini dala-dashtning tarovati, chorvador va dehqon oʻzbekning serjilo tili bilan

boyitdi. Shoirning she'riyati soʻzlarning musiqiyligi, ifodaning jimjimasiga emas, balki tuygʻuning samimiyatiyu tasvirning tabiiyligiga asoslandi. Shu bois

Mirtemirning she'rlari bugungi kunda ham ohorini yoʻqotmagan. Quyidagi misralar fikrimizni dalillaydi:

---

Yaltirar suyri tepa, yaltirar qir uzunchoq,

Kelinlar taqinchogʻi, uzuk koʻzlarimi yo?

Chor atrof sabzalarda jimir-jimir koʻzmunchoq,

Boʻy-boʻy dilrabolarning suzuk koʻzlarimi yo?

Yoʻq bu giryon koʻzlarning yarqiroq zamzamasi,

Kechasi tagʻin onam yigʻlabdi-da chamasi.

 

---