Mirsaid Aripov, Nurillo Otaxanov

case Selektor of

ro`yxat1 : begin {1-buyruqlar ketma-ketligi} end;

ro`yxat2 : begin {2-buyruqlar ketma-ketligi} end;

. . . . . . . . . . .

ro`yxatN : begin {N-buyruqlar ketma-ketligi} end;

else

begin { N1 -buyruqlar ketma-ketligi) end;

end;

Bu yerda Selektor — kalit-ifoda; ro`yxatN — konstantalar ro`yxati. Agar konstantalar biror diapazondagi sonlardan iborat bo`lsa, ulardan birinchisi va oxirgisini ikki nuqta bilan ajratib ko`rsatish mumkin. Masalan, 1, 2, 3, 4, 5, 6 konstantalari o`rniga 1..6 deb yozsa bo`ladi.

Case buyrug’i quyidagicha bajariladi:

1. Dastlab selektor-ifodaning qiymati xisoblanadi;

2. Selektor-ifodaning qiymati konstantalar ro`yxatidagi qiymatlar bilan ketma-ket solishtiriladi;

3. Agar selektor-ifodaning qiymati ro`yxatdagi biror konstanta bilan ustma-ust tushsa, shu konstantaga mos buyruqlar ketma-ketligi bajariladi. Shu bilan case buyrug’i tugaydi.

4. Agar selektor-ifodaning qiymati ro`yxatdagi biror konstantaga teng bo`lmasa, u holda else dan keyin turgan buyruqlar ketma-ketligi bajariladi.

Zarurat bo`lmasa, else ni yozmaslik ham mumkin. Bu holda agar selektor-ifodaning qiymati ro`yxatda ko`rsatilgan kontantalarning birortasiga teng bo`lmasa, u holda case buyrug’idan keyingi navbatda turgan buyruq bajariladi.