Mirsaid Aripov, Nurillo Otaxanov

3.10. Ma`lumotlarni chiqarish

Ma’lumotlarni ekranga ma`lumotlar oynasi yoki dialog oynasining chiqarish maydoniga (Label komponentasi) chiqarish mumkin.

Ma`lumotlar oynasiga chiqarish foydalanuvchilar e`tiborini jalb qilish uchun foydalaniladi. Bu oyna yordamida dastur yuz bergan hatolik-lar haqida axborot berishi yoki orqaga qaytarib bo`lmas (masalan, fayllarni o`chirish) amallarni bajarishga ruxsat so`rash uchun foydalanish mumkin.

Axborotlarni ma`lumotlar oynasiga ShowMessage protsedurasi yoki MessageDlg funksiyasi yordamida chiqarish mumkin.

ShowMessage protsedurasi ekranda matnli oyna hamda OK tugmasini ko`rsatadi. Umumiy holda bu protsedura quyidagicha yoziladi:

ShowMessage(ma`lumot);

Bu yerda ma`lumot — oynaga chiqarilishi talab qilingan matn. 3.7-rasmda quyidagi buyruqning natijasi keltirilgan:

Showmessage('Burchakni graduslarda kiriting');

S

3.7-rasm. Ma`lumotlar oynasiga namuna
hunga e`tibor berish kerakki, ShowMessage protsedurasi oynasi sarlavhasidagi ma`lumot Project Options oynasining Application ilovasidan olinadi. Agar ilova nomi ko`rsatilmagan bo`lsa, u holda sarlavhada bajariladigan faylning nomi chiqariladi.

MessageDig funksiyasi unga qaraganda universalroq. U oynaga standart nishonli ma`lumotlardan birini, masalan, "Warning (diqqat)" so`zi hamda foydalanuvchi tanlashi lozim bo`lgan buyruqli tugmalarning miqdori va tipini ifodalaydi. 3.8-rasmda quyidagi buyruqning natijasi ifodalangan:

r:MessageDlg(FName'файли ўчирилади', mtWarning,[mbOk, mbCancel], 0) ;

MessageDlg funksiyasi sonli qiymatga ega bo`lib, foydalanuvchi tanlagan tugma nomerini anglatadi.


3.8-rasm. Ma`lumotlar

oynasiga misol

Bu oyna umumiy ko`rinishda quyidagicha tashkil qilinadi:

tanlash:MessageDlg(ma`lumot, Tip, tugmalar, eslatma);

Bu yerda ma`lumot – axborot matni; Tip - axborot tipi. Axborot ma`lumot, ogohlantirish yoki hatolik kabi ko`rinishlardan biri shaklida bo`lishi mumkin. Har bir tipdagi ma`lumotga maxsus nishon mos keladi. Axborot tipi nomlangan konstanta yordamida ko`rsatiladi (3.8-jadval); Tugmalar - ma`lumot oynasiga chiqarish mumkin bo`lgan ro`yxat bo`lib, kvadrat qavslar ichida ko`rsatiladi (3.9-jadval). Masalan, ma`lumotlar oynasida OK va Cancel tugmalari ko’rinishi uchun Tugmalar ro`yxati [mbOK, mbCancel] tarzida bo`lishi kerak.

MessageDlg funksiyasi axborotlari 3.8-jadval.